Motorola Edge 70 Max: మోటరోలా ఎడ్జ్ 70 సిరీస్ మ్యాక్స్ వచ్చేస్తోంది.. 200MP కెమెరా, Snapdragon 8 Gen 5 చిప్‌

స్మార్ట్‌ఫోన్ మార్కెట్లో తన ప్రీమియం Edge సిరీస్‌ను విస్తరిస్తున్న మోటరోలా త్వరలో మరో ఫ్లాగ్‌షిప్ ఫోన్‌ను విడుదల చేసే అవకాశం కనిపిస్తోంది. Motorola Edge 70 Max పేరుతో ఈ స్మార్ట్‌ఫోన్ మార్కెట్లోకి రానున్నట్లు పలు లీకులు సూచిస్తున్నాయి. ఇటీవల ఈ ఫోన్ పలు సర్టిఫికేషన్ వెబ్‌సైట్లలో కనిపించడంతో పాటు, ప్రచార చిత్రాలు కూడా ఆన్‌లైన్‌లో లీక్ అయ్యాయి. ముఖ్యంగా, ఈ ఫోన్‌లో 200MP ప్రధాన కెమెరా ఉండొచ్చనే వార్తలు టెక్ అభిమానుల్లో ఆసక్తిని పెంచుతున్నాయి.

HDR10+ WPC సర్టిఫికేషన్‌లో కనిపించిన Edge 70 Max

Motorola Edge 70 Max ఇటీవల HDR10+ సర్టిఫికేషన్ వెబ్‌సైట్‌లో కనిపించింది. అలాగే Wireless Power Consortium (WPC) డేటాబేస్‌లో కూడా ఈ ఫోన్ XT2611 మోడల్ నంబర్‌తో లిస్ట్ అయ్యింది. ఈ లిస్టింగ్ ప్రకారం, ఫోన్ Qi 2 వైర్‌లెస్ ఛార్జింగ్ కు మద్దతు ఇవ్వనుంది. అలాగే 25W వైర్‌లెస్ ఫాస్ట్ ఛార్జింగ్ సపోర్ట్ కూడా ఉండే అవకాశం ఉందని సమాచారం.

Snapdragon 8 Gen 5 ప్రాసెసర్ వచ్చే ఛాన్స్

లీకుల ప్రకారం, Motorola Edge 70 Maxలో Qualcomm Snapdragon 8 Gen 5 ఫ్లాగ్‌షిప్ చిప్‌సెట్‌ను అందించే అవకాశం ఉంది. దీంతో హై-ఎండ్ గేమింగ్, మల్టీటాస్కింగ్, AI ఆధారిత ఫీచర్లలో ఈ ఫోన్ మెరుగైన పనితీరును అందించే అవకాశముంది. ఈ స్మార్ట్‌ఫోన్ భారతదేశంతో పాటు ప్రపంచవ్యాప్తంగా త్వరలోనే లాంచ్ అయ్యే అవకాశం ఉందని టెక్ వర్గాలు చెబుతున్నాయి.

200MP కెమెరా.. 100x డిజిటల్ జూమ్?

Motorola Edge 70 Maxలో వెనుక భాగంలో ట్రిపుల్ కెమెరా సెటప్ ఉండే అవకాశం ఉంది. ఇందులో 200MP ప్రధాన కెమెరా, టెలిఫోటో కెమెరా, పెరిస్కోప్ కెమెరా ఉండొచ్చని లీకులు సూచిస్తున్నాయి. ఈ ప్రధాన కెమెరా 100x వరకు డిజిటల్ జూమ్ కు మద్దతు ఇవ్వవచ్చని సమాచారం. ఫోటోగ్రఫీ, వీడియోగ్రఫీ ప్రియులకు ఇది ఆకర్షణీయమైన ఫీచర్‌గా మారే అవకాశం ఉంది.

డిజైన్, కలర్ ఆప్షన్లు

లీకైన ప్రచార చిత్రాల ప్రకారం, Motorola Edge 70 Maxలో ఫ్లాట్ AMOLED డిస్‌ప్లే, సెంటర్ పంచ్-హోల్ సెల్ఫీ కెమెరా, స్లిమ్ బెజెల్స్, ట్రిపుల్ రియర్ కెమెరా మాడ్యూల్ ఉండనున్నాయి. ఈ ఫోన్ మూడు రంగుల్లో అందుబాటులోకి వచ్చే అవకాశం ఉంది. Glacier Blue, Onyx Black, Sage Green, మిలిటరీ గ్రేడ్ డ్యూరబిలిటీ. Motorola Edge 70 Maxకు MIL-STD-810H మిలిటరీ-గ్రేడ్ సర్టిఫికేషన్ కూడా లభించే అవకాశం ఉందని సమాచారం. దీంతో ఫోన్ షాక్‌లు, వైబ్రేషన్లు, కఠిన పరిస్థితులను తట్టుకునే సామర్థ్యాన్ని కలిగి ఉండొచ్చు.

Edge 70 Pro కంటే మెరుగైన ఫీచర్లు?

ప్రస్తుతం మార్కెట్లో ఉన్న Motorola Edge 70 Proలో 6.8 అంగుళాల AMOLED డిస్‌ప్లే, MediaTek Dimensity 8500 Extreme చిప్‌సెట్, 12GB RAM, 256GB వరకు స్టోరేజ్, మూడు 50MP రియర్ కెమెరాలు, 50MP సెల్ఫీ కెమెరా, 6,500mAh బ్యాటరీ, 90W వైర్డ్, 15W వైర్‌లెస్ ఛార్జింగ్ వంటి ఫీచర్లు ఉన్నాయి. ఇవన్నింటికంటే అధునాతన కెమెరా, శక్తివంతమైన ప్రాసెసర్, మెరుగైన వైర్‌లెస్ ఛార్జింగ్ వంటి అప్‌గ్రేడ్‌లతో Motorola Edge 70 Maxను కంపెనీ తీసుకురావచ్చని అంచనా.