Moto g37 Series Launched: భారత మార్కెట్లో కొత్త బడ్జెట్ Moto g37 5G సిరీస్ స్మార్ట్ఫోన్లను అధికారికంగామోటోరోలా (Motorola) లాంచ్ చేసింది. ఈ సిరీస్ లో moto g37, moto g37 Power స్మార్ట్ఫోన్లు భారీ బ్యాటరీ, 120Hz డిస్ప్లే, Android 16 వంటి ఫీచర్లతో వినియోగదారులకు అందుబాటులోకి వచ్చాయి. ఈ రెండు ఫోన్లలో కూడా 6.7 అంగుళాల HD+ LCD డిస్ప్లే, 120Hz రిఫ్రెష్ రేట్ సపోర్ట్ ఉండటంతో స్క్రోలింగ్, గేమింగ్ అనుభవం మరింత స్మూత్గా ఉంటుంది. వీటితోపాటు 1050 నిట్స్ వరకు బ్రైట్నెస్ సపోర్ట్ ఉంటూ.. స్క్రీన్ రక్షణ కోసం ‘కార్నింగ్ గొరిల్లా గ్లాస్ 7i’ ప్రొటెక్షన్ను అందించారు.
పర్ఫార్మెన్స్ విషయానికి వస్తే.. ఈ స్మార్ట్ఫోన్లు మీడియాటెక్ డిమెంసిటీ 6400 ప్రాసెసర్తో పనిచేస్తాయి. 6nm టెక్నాలజీపై తయారైన ఈ చిప్ మంచి పనితీరు అందిస్తుంది. 4GB, 8GB RAM ఆప్షన్లతో పాటు 16GB వరకు వర్చువల్ RAM సపోర్ట్ కూడా ఉంది. స్టోరేజ్ను మైక్రో SD కార్డ్ ద్వారా 1TB వరకు పెంచుకోవచ్చు. ఫోటోగ్రఫీ కోసం 50MP మెయిన్ కెమెరాను అందించారు. ‘క్వాడ్ పిక్సెల్’ టెక్నాలజీ సపోర్ట్ ఉండటంతో తక్కువ వెలుతురులో కూడా మంచి ఫోటోలు తీసుకోవచ్చు. సెల్ఫీల కాల్స్ కోసం ముందు భాగంలో 8MP కెమెరా ఇచ్చారు. ఈ రెండు కెమెరాలు కూడా 2K వీడియో రికార్డింగ్కు సపోర్ట్ చేస్తాయి.
సాఫ్ట్వేర్ పరంగా ఈ ఫోన్లు ఆండ్రాయిడ్ 16 పై రన్ అవుతాయి. Android 17 అప్డేట్తో పాటు 3 సంవత్సరాల సెక్యూరిటీ అప్డేట్స్ అందిస్తామని కంపెనీ హామీ ఇచ్చింది. డ్యూరబిలిటీ పరంగా కూడా ఈ ఫోన్లు IP64 రేటింగ్ కారణంగా దుమ్ము, నీటి చిమ్ముర్ల నుంచి రక్షణ లభిస్తుంది. అలాగే MIL-STD-810H మిలిటరీ గ్రేడ్ సర్టిఫికేషన్ కూడా ఉంది. బ్యాటరీ విషయానికి వస్తే moto g37లో 5200mAh బ్యాటరీతో 20W ఫాస్ట్ ఛార్జింగ్ సపోర్ట్ అందించారు. ఇక moto g37 Powerలో 7000mAh భారీ బ్యాటరీతో 30W టర్బో పవర్ ఫాస్ట్ ఛార్జింగ్ సపోర్ట్ ఉంది. రెండు ఫోన్లలో కూడా 6W రివర్స్ ఛార్జింగ్ ఫీచర్ను ఇచ్చారు. ఇంకా ఈ మొబైల్ లో స్టీరియో స్పీకర్లు, డాల్బీ ఆటమ్స్, 3.5mm హెడ్ఫోన్ జాక్, సైడ్ మౌంటెడ్ ఫింగర్ ప్రింట్ సెన్సర్ వంటి ఫీచర్లు కూడా ఉన్నాయి.
ధరలు:
moto g37 (4GB + 64GB) – రూ.13,999
moto g37 Power (4GB + 128GB) – రూ.15,999
moto g37 Power (8GB + 128GB) – రూ.18,999
ఈ మోటో g37 సిరీస్ స్మార్ట్ఫోన్లు మే 25 నుంచి ఫ్లిప్కార్ట్, అధికారిక మోటోరోలా వెబ్సైట్ & ఆఫ్లైన్ స్టోర్లలో విక్రయానికి అందుబాటులోకి రానున్నాయి.
Made for the ones who don’t slow down.
Starting at just ₹13,999, the moto g37 and moto g37 power is ready when you are. Sale starts 25th May on Flipkart, https://t.co/azcEfy2uaW and leading retail stores. pic.twitter.com/uNwcPZqMeN
— Motorola India (@motorolaindia) May 19, 2026