కేవలం రూ.7,999కే.. 5000mAh బ్యాటరీ, LED ఫ్లాష్‌ కెమరాతో Lava Bold N4 Lite లాంచ్..!
- కేవలం రూ.7,999కే..
- భారత్‌లో లావా బోల్డ్ N4 లైట్ స్మార్ట్ఫోన్..
- 6.75 అంగుళాల qHD LCD డిస్‌ప్లే..
- MIL-STD-810H మిలిటరీ-గ్రేడ్ డ్యూరబిలిటీ సర్టిఫికేషన్..
- Follow Us :
-
-
Add as a preferred
source on google
Lava Bold N4 Lite: బడ్జెట్ ధరలో కొత్త స్మార్ట్ఫోన్ కోసం చూస్తున్న వారికి లావా (Lava) మరో కొత్త స్మార్ట్ ఫోన్ ను తీసుకొచ్చింది. కంపెనీ తన ఎంట్రీ లెవల్ స్మార్ట్ఫోన్ లైనప్‌లో భాగంగా లావా బోల్డ్ N4 లైట్ (Lava Bold N4 Lite) ను భారత మార్కెట్లో విడుదల చేసింది. పెద్ద డిస్‌ప్లే, 5000mAh బ్యాటరీ, Android 16 Go Edition, మిలిటరీ-గ్రేడ్ డ్యూరబిలిటీ వంటి ఫీచర్లతో వచ్చిన ఈ ఫోన్ ధరను కూడా అందుబాటులోనే ఉంచింది.
డిస్‌ప్లే:
లావా బోల్డ్ N4 లైట్ లో 6.75 అంగుళాల qHD LCD డిస్‌ప్లేను అందించారు. ఇది 960×540 పిక్సెల్స్ రిజల్యూషన్‌తో పనిచేస్తుంది. వీడియోలు చూడటం, వెబ్ బ్రౌజింగ్, సోషల్ మీడియా వంటి సాధారణ అవసరాలకు అనుగుణంగా ఈ డిస్‌ప్లేను రూపొందించారు. డిజైన్ పరంగా ఫోన్‌కు MIL-STD-810H మిలిటరీ-గ్రేడ్ డ్యూరబిలిటీ సర్టిఫికేషన్ ఉంది. రోజువారీ వినియోగంలో ఎదురయ్యే కొన్ని కఠిన పరిస్థితులను తట్టుకునేలా దీన్ని రూపొందించారు. Empire Gold, Ghost Silver కలర్ ఆప్షన్లలో ఫోన్ లభిస్తుంది.
ప్రాసెసర్:
మొబైల్ పనితీరు కోసం ఇందులో 28nm UNISOC 9863A ఆక్టా-కోర్ ప్రాసెసర్ను ఉపయోగించారు. గ్రాఫిక్స్ కోసం PowerVR GE8322 GPU ఉంది. ఫోన్‌లో 3GB RAM, 32GB ఇంటర్నల్ స్టోరేజ్‌ను అందించారు. అదనంగా 3GB వర్చువల్ RAM సపోర్ట్ ఉంది. microSD కార్డు ద్వారా స్టోరేజ్‌ను 64GB వరకు పెంచుకోవచ్చు. డ్యూయల్ సిమ్ తో పాటు మైక్రో SD కార్డు కోసం ప్రత్యేక స్లాట్‌ను కూడా అందించారు. సాఫ్ట్‌వేర్ పరంగా ఈ ఫోన్ ఆండ్రాయిడ్ 16 గో ఎడిషన్ పై పనిచేస్తుంది. తక్కువ హార్డ్‌వేర్ సామర్థ్యం ఉన్న బడ్జెట్ ఫోన్ల కోసం రూపొందించిన తేలికపాటి ఆపరేటింగ్ సిస్టమ్ కావడంతో రోజువారీ పనుల్లో మెరుగైన అనుభూతిని అందించేలా ఇది ఉపయోగపడుతుంది. అనవసరమైన బ్లోట్‌వేర్ లేకుండా క్లీన్ సాఫ్ట్‌వేర్ అనుభవాన్ని అందిస్తామని లావా పేర్కొంది. కంపెనీ ఈ ఫోన్‌కు రెండేళ్ల సెక్యూరిటీ ప్యాచ్‌లను అందించనుంది.
కెమెరా & బ్యాటరీ:
కెమెరా విభాగంలో వెనుకవైపు 8MP సింగిల్ కెమెరాను LED ఫ్లాష్‌తో అందించారు. సెల్ఫీలు, వీడియో కాల్స్ కోసం ముందు భాగంలో 5MP కెమెరా ఉంది. భద్రత కోసం సైడ్-మౌంటెడ్ ఫింగర్‌ప్రింట్ స్కానర్‌ను అందించారు. అదనంగా 3.5mm ఆడియో జాక్, FM రేడియో, బాటమ్-ఫైరింగ్ స్పీకర్ కూడా ఉన్నాయి. ఇందులో 5000mAh బ్యాటరీ ఉంది. ఇది 10W ఛార్జింగ్‌కు సపోర్ట్ చేస్తుంది. ఛార్జింగ్, డేటా బదిలీ కోసం USB టైపు-C పోర్ట్‌ను అందించారు. కనెక్టివిటీ పరంగా డ్యూయల్ 4G VoLTE, Wi-Fi 802.11 ac, Bluetooth 4.2, GPS వంటి ఫీచర్లు ఉన్నాయి.
ధర:
లావా బోల్డ్ N4 లైట్ అసలు ధర రూ.8,099గా నిర్ణయించారు. అయితే లాంచ్ ఆఫర్‌లో భాగంగా రూ.7,999కే అందుబాటులోకి రానుంది. ఈ ఫోన్ సెప్టెంబర్ 3న మధ్యాహ్నం 12 గంటల నుంచి అమెజాన్ లో అమ్మకానికి అందుబాటులోకి వస్తుంది. అలాగే లావా తన ఫ్రీ సర్వీస్ @ హోమ్ కార్యక్రమం ద్వారా ఇంటి వద్దే సర్వీస్ అందించనుంది.