యాక్టివ్ మ్యాట్రిక్స్ డిస్ప్లే, లెదర్ టెక్స్చర్ ఫినిషింగ్లతో రానున్న Infinix Note 60 Pro.!
Infinix Note 60 Pro: ఇన్ఫినిక్స్ (Infinix) నుండి పవర్ ప్యాక్డ్ నోట్ సిరీస్ లో సరికొత్త మొబైల్ ను తీసుక వచ్చేందుకు రంగం సిద్ధం చేసింది. నోట్ 50 ప్రో సిరీస్కు సక్సెసర్ గా Infinix Note 60 Proను త్వరలో విడుదల చేయబోతున్నట్లు టీజర్లను విడుదల చేసింది. ఈ ఫోన్లో అత్యంత వినూత్నమైన ఫీచర్ దాని వెనుక భాగంలో ఉన్న ‘యాక్టివ్ మ్యాట్రిక్స్ డిస్ప్లే’. ఇది కెమెరా ఐలాండ్లో కలిసి ఉంటుంది. రెట్రో-ఫ్యూచరిస్టిక్ డాట్-మ్యాట్రిక్స్ ఇంటర్ఫేస్తో ఉండే ఈ డిస్ప్లే, రియల్ టైమ్ అప్డేట్లను చూపిస్తుంది. ఇందులో లైవ్ వెదర్ అప్డేట్లు, సమయం, నోటిఫికేషన్ ఐకాన్లు, మ్యూజిక్ కంట్రోల్స్, ఛార్జింగ్ స్టేటస్ను ఇది డిస్ప్లే చేస్తుంది.
రూ. 6,799కే మిలిటరీ-గ్రేడ్ సర్టిఫికేషన్, 5000mAh భారీ బ్యాటరీ.. itel A100 స్మార్ట్ఫోన్ లాంచ్!
ప్రీమియం మెటల్ కెమెరా హౌసింగ్లో అమర్చిన ఈ డిస్ప్లే, ముఖ్యంగా ఆరెంజ్ రంగు వేరియంట్ లో ‘సైబర్ పంక్’ లుక్ ను ఇస్తుంది. సాధారణంగా మీడియాటెక్ చిప్సెట్ లతో వచ్చే ఇన్ఫినిక్స్ నోట్ సిరీస్, ఈసారి క్వాల్కమ్ భాగస్వామ్యంతో Snapdragon 7s Gen 4 5G ప్రాసెసర్ను తీసుకొస్తోంది. ఇది హెవీ మల్టీ టాస్కింగ్, హై ఫ్రేమ్ రేట్ గేమింగ్కు అద్భుతంగా సపోర్ట్ చేస్తుంది.
బ్యాటరీ పరంగా ఇన్ఫినిక్స్ ఒక భారీ అడుగు వేసింది. ఇందులో 6500mAh భారీ బ్యాటరీ ఉంది. ఇది 6 ఏళ్ల బ్యాటరీ లైఫ్ ఇస్తుందని కంపెనీ పేర్కొంది. బ్యాటరీ ఆరోగ్యం దెబ్బతినకుండా ఉండేందుకు అడ్వాన్స్డ్ ‘బ్యాటరీ సెల్ఫ్-హీలింగ్’ టెక్నాలజీని వాడారు. దీనికి 90W ఫాస్ట్ ఛార్జింగ్ సపోర్ట్ కూడా ఉంది. ఈ ఫోన్లో 1.5K అల్ట్రా HDR డిస్ప్లే ఉంది, ఇది 144Hz రిఫ్రెష్ రేట్ తో వస్తుంది. ఇది సాధారణ 1080p ప్యానెల్స్ కంటే మంచి క్లారిటీని ఇస్తుంది.
Scotland vs Italy: స్కాట్లాండ్ భారీ విజయం.. కట్ చేస్తే పాయింట్ల పట్టికలో!
తక్కువ వెలుతురులో కూడా స్పష్టమైన ఫోటోలు తీయడానికి 50MP ప్రైమరీ సెన్సార్ను అందించారు. గేమింగ్ సమయంలో ఫోన్ వేడెక్కకుండా 3D IceCore VC Cooling (వేపర్ ఛాంబర్) టెక్నాలజీని ఉపయోగించారు. నాణ్యమైన సౌండ్ కోసం JBL ట్యూన్డ్ స్పీకర్స్ ఉన్నాయి. ఫోన్ వెనుక భాగం లెదర్ టెక్స్చర్ ఫినిషింగ్తో లభిస్తుంది.