11,000mAh భారీ బ్యాటరీ, IP66+IP68+IP69+IP69K రేటింగ్స్, 108MP కెమెరాతో HONOR X9e Pro విడుదల..!
- 11,000mAh భారీ సిలికాన్-కార్బన్ బ్యాటరీతో హానర్ ఎక్స్9ఈ ప్రో విడుదల
- 108MP ప్రధాన కెమెరాతో పాటు ఓఐఎస్, ఈఐఎస్ సపోర్ట్
- 6.8 అంగుళాల 1.5కే అమోలెడ్ డిస్ప్లే, 120Hz రిఫ్రెష్ రేట్..
- Follow Us :
-
-
Add as a preferred
source on google
HONOR X9e Pro Launched: స్మార్ట్ఫోన్ తయారీ సంస్థ హానర్ (HONOR) నుండి సరికొత్త స్మార్ట్ఫోన్ HONOR X9e Proను అధికారికంగా మార్కెట్లోకి విడుదలైంది. ‘X సిరీస్’లో విడుదలైన మొట్టమొదటి “ప్రో” మోడల్ ఇదే కావడం విశేషం. ఈ ఏడాది ఆరంభంలో చైనాలో ‘X80 Pro Max’ పేరుతో విడుదలైన ఈ ఫోన్ను, గ్లోబల్ మార్కెట్లో X9e Proగా అందుబాటులోకి తెచ్చారు. ఈ లాంచ్ను పురస్కరించుకుని దుబాయ్లోని ప్రసిద్ధ బుర్జ్ ఖలీఫాపై ఫోన్ ఫీచర్లను ప్రదర్శించి భారీ ఎత్తున ప్రచారం నిర్వహించారు.
డిస్ప్లే, దృఢమైన బాడీ డిజైన్
ఈ స్మార్ట్ఫోన్ 6.8 అంగుళాల 1.5K (2788×1280 పిక్సెల్స్) అమోలెడ్ డిస్ప్లేతో వస్తుంది. ఇది 120Hz అడాప్టివ్ రిఫ్రెష్ రేట్, 3840Hz హై-ఫ్రీక్వెన్సీ PWM డిమ్మింగ్ సపోర్ట్ కలిగి ఉంది. దీని పీక్ బ్రైట్నెస్ ఏకంగా 10,000 నిట్స్గా ఉండటంతో ఎండలోనూ స్క్రీన్ చాలా స్పష్టంగా కనిపిస్తుంది. అలాగే చీకటి గదిలో కళ్లపై ఒత్తిడి పడకుండా ఉండేందుకు 1-నిట్ అల్ట్రా-డార్క్ మోడ్, ఓయాసిస్ ఐ-కంఫర్ట్ టెక్నాలజీలను జోడించారు. చేతులు తడిగా ఉన్నా లేదా గ్లౌజులు ధరించినా స్క్రీన్ స్పందించేలా టచ్ అల్గారిథమ్లను రూపొందించారు.
Also Read
- ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!
- Motorola Edge 70 Neo: మోటరోలా Edge 70 Neo భారత్లోకి వచ్చేస్తోంది.. 50MP Sony కెమెరా, 7,000mAh బ్యాటరీతో!
- 12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
- Oppo Reno 17, Reno 17 Pro: 200MP కెమెరా, 8,000mAh బ్యాటరీ.. కొత్త Oppo Reno 17 సిరీస్ వచ్చేసింది!
మన్నిక విషయంలో ఈ ఫోన్ సరికొత్త ప్రమాణాలను నెలకొల్పింది. ఇది 360-డిగ్రీల షాక్-అబ్సార్బింగ్ ఆర్కిటెక్చర్తో పాటు, SGS ప్రీమియం పెర్ఫార్మెన్స్ 5-స్టార్ డ్రాప్ రెసిస్టెన్స్ సర్టిఫికేషన్ పొందింది. ఫలితంగా 3 మీటర్ల ఎత్తు నుంచి పడినా తట్టుకోగలదు. నీరు, ధూళి నిరోధకత కోసం IP66, IP68, IP69, అత్యంత కఠినమైన IP69K రేటింగ్లను అందించారు. నియంత్రిత పరిస్థితుల్లో 10 మీటర్ల లోతు నీటిలో మునిగినా, 85°C వేడి నీటి ప్రెజర్ జెట్లను ఎదుర్కొన్నా ఇది చెక్కుచెదరదు.
11,000mAh సిలికాన్-కార్బన్ బ్యాటరీ & ఛార్జింగ్
HONOR X9e Pro ప్రధాన ఆకర్షణ దీని భారీ బ్యాటరీ. ఇందులో నాల్గవ తరం సిలికాన్-కార్బన్ టెక్నాలజీతో కూడిన 11,000mAh బ్యాటరీని అమర్చారు. సాధారణ వాడకంలో ఈ బ్యాటరీ ఏకధాటిగా మూడు రోజుల వరకు పనిచేస్తుందని కంపెనీ పేర్కొంది. అంతేకాకుండా 50°C గరిష్ట ఉష్ణోగ్రతల్లోనూ స్థిరమైన పనితీరును కనబరుస్తుంది. సుమారు ఆరేళ్లపాటు సామర్థ్యం తగ్గకుండా ఉండేలా దీని బ్యాటరీ లైఫ్ను తీర్చిదిద్దారు. దీనికి 80W వైర్డ్ సూపర్ ఛార్జ్ సపోర్ట్ ఉండగా, ఇతర గ్యాడ్జెట్లను ఛార్జ్ చేయడానికి 27W రివర్స్ వైర్డ్ ఛార్జింగ్ సదుపాయం కూడా ఉంది.
ప్రాసెసర్ & కెమెరా ఫీచర్లు
ఈ ఫోన్ 4nm ప్రాసెస్పై తయారైన 2.6GHz స్నాప్డ్రాగన్ 6 Gen 5 ఆక్టా-కోర్ ప్రాసెసర్, అడ్రినో 812 GPUతో పనిచేస్తుంది. ఇది ఆండ్రాయిడ్ 16 ఆధారిత MagicOS 10.0 ఆపరేటింగ్ సిస్టమ్పై రన్ అవుతుంది. ఫోటోగ్రఫీ విభాగంలో వెనుకవైపు OIS, EIS సపోర్ట్ కలిగిన 108MP ప్రధాన కెమెరా, 5MP అల్ట్రా-వైడ్ లెన్స్లను అందించారు. నీటి అడుగున షూట్ చేసేందుకు ప్రత్యేకమైన అండర్వాటర్ మోడ్తో పాటు ఆటోమేటిక్ కలర్ కరెక్షన్ ఫీచర్లను చేర్చారు. సెల్ఫీలు, వీడియో కాల్స్ కోసం ముందు భాగంలో 16MP కెమెరా ఉంది.
ఆధునిక ఆర్టిఫిషియల్ ఇంటెలిజెన్స్ (AI)
సాఫ్ట్వేర్ పరంగా ఇందులో అనేక AI ఫీచర్లు ఉన్నాయి. గూగుల్ జెమిని (Google Gemini) ఇంటిగ్రేషన్తో వాయిస్ కమాండ్లు, ఉత్పాదకత పనులను సులభంగా నిర్వహించవచ్చు. ఒంటిచేత్తో ఫోన్ వాడే వారికి సౌకర్యంగా ఉండేందుకు ‘AI ఫ్రీగ్రిప్’ అల్గారిథమ్స్ ఉన్నాయి. మీడియా ఎడిటింగ్ కోసం ‘క్రియేటివ్ ఎడిటర్ 2.0’ను అందించారు; దీని ద్వారా సాధారణ ఫోటోల నుంచి చిన్న చిన్న యానిమేటెడ్ వీడియోలను రూపొందించే AI ఇమేజ్-టు-వీడియో ఫీచర్ అందుబాటులో ఉంటుంది.
ధర
ప్రస్తుతం ఈ స్మార్ట్ఫోన్ యునైటెడ్ అరబ్ ఎమిరేట్స్ (UAE) సహా మధ్యప్రాచ్య (Middle East) దేశాలలో ముందస్తు బుకింగ్లకు అందుబాటులోకి వచ్చింది. 8GB RAM + 256GB స్టోరేజ్ వేరియంట్ ధర AED 1,499 (భారత కరెన్సీలో సుమారు రూ. 38,840) కాగా.. 12GB RAM + 256GB స్టోరేజ్ వేరియంట్ ధర AED 1,799 (భారత కరెన్సీలో సుమారు రూ. 46,615)గా నిర్ణయించారు.
తాజావార్తలు
-
Vijaya Dairy Board Emergency Meeting: విజయ డైరీలో కీలక పరిణామం.. రేపటికి వాయిదా పడిన బోర్డు అత్యవసర సమావేశం!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
Lakshya Raichandani: ఆ ఐపీఎల్ టీమ్లో ఆడడమే నా టార్గెట్.. మనసులో మాట చెప్పేసిన అండర్-19 కెప్టెన్!
-
Cyclone Akwan: దూసుకొస్తున్న అక్వాన్ తుఫాన్.. అధికారులకు సీఎం చంద్రబాబు కీలక ఆదేశాలు..
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!
ట్రెండింగ్
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!