12.1 అంగుళాల 3K డిస్‌ప్లే, 10100mAh బ్యాటరీతో HONOR Pad 20 లాంచ్.!

HONOR Pad 20 Launched: హానర్ (HONOR) చైనాలో కొత్త టాబ్లెట్ హానర్ ప్యాడ్ 20 (HONOR Pad 20) ను లాంచ్ చేసింది. HONOR 600 సిరీస్ స్మార్ట్‌ఫోన్లతో పాటు ఈ టాబ్లెట్‌ను కూడా కంపెనీ మార్కెట్‌ లో ప్రవేశపెట్టింది. స్టాండర్డ్ ఎడిషన్, సాఫ్ట్ లైట్ ఎడిషన్, లింగ్యుయే ఎడిషన్ అనే మూడు వేరియంట్లలో ఈ టాబ్లెట్ అందుబాటులోకి వచ్చింది. ఈ టాబ్లెట్ ఎక్స్ట్రార్డినరీ గ్రే, ఫారెస్ట్ గ్రీన్, డేజ్లింగ్ పింక్ అనే మూడు ఆకర్షణీయమైన రంగుల్లో లభిస్తుంది.

డిజైన్ పరంగా చిన్న రౌండ్ కెమెరా మాడ్యూల్‌తో స్లిమ్ లుక్‌ను కలిగి ఉంది ఈ కొత్త ట్యాబ్. కేవలం 6.29mm మందంతో, 525 గ్రాముల బరువుతో ఈ టాబ్లెట్ చాలా లైట్ వెయిట్‌గా ఉంటుంది. ఇంకా ఇందులో 12.1 అంగుళాల 3K TFT LCD IPS డిస్‌ప్లే ఉండగా.. ఇది 3000 x 1872 పిక్సెల్స్ రిజల్యూషన్‌తో పాటు 120Hz వేరియబుల్ రిఫ్రెష్ రేట్‌ను సపోర్ట్ చేస్తుంది. ఈ టాబ్లెట్‌లో “ఫుల్ కలర్ పేపర్ లైక్ స్క్రీన్” టెక్నాలజీని ఉపయోగించారు. ఇది పేపర్‌పై రాస్తున్న అనుభూతిని కలిగించేలా ఉంటుంది.

పర్ఫార్మెన్స్ విషయానికి వస్తే.. ఈ టాబ్లెట్‌లో Qualcomm Snapdragon 7 Gen 3 చిప్‌సెట్‌ను అమర్చారు. 4nm టెక్నాలజీపై రూపొందించిన ఈ ప్రాసెసర్‌తో మల్టీటాస్కింగ్‌, గేమింగ్‌, వీడియో ఎడిటింగ్ వంటి పనులు స్మూత్‌గా చేయవచ్చు. ఇది 6GB/8GB/12GB ర్యామ్ ఆప్షన్లతో పాటు 128GB, 256GB స్టోరేజ్ వేరియంట్లలో లభిస్తుంది. అలాగే ఆండ్రాయిడ్ 16 ఆధారిత MagicOS 10.0 పై పనిచేస్తుంది.

ఇందులో 10,100mAh భారీ బ్యాటరీని అందించారు. ఇది 66W ఫాస్ట్ చార్జింగ్‌కు సపోర్ట్ ఇస్తుంది. ఇంకా ఆడియో కోసం ఇందులో 6 స్పీకర్లు, డ్యూయల్ మైక్రోఫోన్లు ఇచ్చారు. దీంతో సినిమాలు, మ్యూజిక్, వీడియో కాల్స్ సమయంలో మెరుగైన సౌండ్ అనుభవం లభిస్తుంది. ఈ టాబ్లెట్ ప్రత్యేకతల్లో ముఖ్యమైనది “క్రాస్ ప్లాట్‌ఫామ్ కనెక్టివిటీ”. HONOR ఎకోసిస్టమ్‌కే పరిమితం కాకుండా iOS, HarmonyOS, ఆండ్రాయిడ్ డివైస్‌లతో కూడా సులభంగా కనెక్ట్ అవుతుంది. Apple AirPods‌తో క్విక్ పెయిరింగ్, ఐఫోన్ లతో ఫైల్ ట్రాన్స్‌ఫర్, Mac కంప్యూటర్లతో కోలాబరేటివ్ ఎడిటింగ్ వంటి ఫీచర్లు ఇందులో ఉన్నాయి. హానర్ ఫోన్లతో వన్‌టచ్ ఫైల్ ట్రాన్స్‌ఫర్ కూడా అందుబాటులో ఉంటుంది. ఈ టాబ్లెట్‌లో 8MP రియర్ కెమెరా, 8MP ఫ్రంట్ కెమెరా ఇచ్చారు. కనెక్టివిటీ కోసం Wi-Fi 6, బ్లూటూత్ 5.3, USB టైపు-C పోర్ట్, OTG సపోర్ట్ ఉన్నాయి.

ధరలు వివరాలు ఇలా:
* 6GB + 128GB – 2099 యువాన్ (రూ. 29,400)
* 8GB + 128GB – 2299 యువాన్ (రూ. 32,200)
* 8GB + 128GB సాఫ్ట్ లైట్ ఎడిషన్ – 2499 యువాన్ (రూ. 35,000)
* 8GB + 256GB – 2699 యువాన్ (రూ. 37,800)
* 8GB + 256GB సాఫ్ట్ లైట్ ఎడిషన్ – 2999 యువాన్ (రూ. 42,000)
* 12GB + 256GB సాఫ్ట్ లైట్ ఎడిషన్ – 3399 యువాన్ (రూ. 47,600)
ఈ టాబ్లెట్ ప్రస్తుతం చైనాలో ప్రీ-ఆర్డర్‌కు అందుబాటులో ఉండగా, మే 27 నుంచి అధికారికంగా అమ్మకాలు ప్రారంభం కానున్నాయి.