Best Gadget Under రూ.300: బెస్ట్ గ్యాడ్జెట్.. ఈ చిన్న మిషన్ చేసే మ్యాజిక్ చూడండి!

Best Gadget Under రూ.300: ఈ రోజుల్లో ఉదయం లేచిన దగ్గర్నుంచి ఆఫీసుకో, స్కూలుకో వెళ్లే హడావిడిలో బ్రేక్‌ఫాస్ట్ చేయడానికి కూడా టైం ఉండని సందర్భాలు ప్రతిఒక్కరికి ఎప్పుడో ఒకసారి ఎదురై ఉంటాయనడంలో ఎలాంటి సందేహం లేదు. ముఖ్యంగా బ్యాచిలర్స్‌కు ఈ అనుభవం కచ్చితంగా ఉంటుంది. చాలా మందికి ఆరోగ్యానికి ఎంతో ఉపయోగపడే గుడ్లును ఉడకబెట్టుకోవడం అంటే పెద్ద తలకాయ నొప్పి పనిలా ఉంటుంది. అలాంటి వారికోసమే మార్కెట్లోకి వచ్చేసింది ఒక సూపర్ గ్యాడ్జెట్ అదే.. ‘స్మార్ట్ ఎగ్ బాయిలర్’. దీని ప్రత్యేకతలు ఏంటి, ఈ చిన్న మిషన్ చేసే పెద్ద మ్యాజిక్ ఏంటో ఈ స్టోరీలో తెలుసుకుందాం.

READ ALSO: AP Assembly Session: అసెంబ్లీ సమావేశాలను విద్యార్థులు ప్రత్యక్షంగా చూసే అవకాశం.. ఇలా సంప్రదించండి..

సాధారణంగా మనం గ్యాస్ స్టవ్ మీద గుడ్లు ఉడకబెడితే ఎంతలేదన్నా 15 నుంచి 20 నిమిషాలు పడుతుంది. కానీ ఈ ఎలక్ట్రిక్ బాయిలర్ కేవలం 5 నిమిషాల్లోనే మీ పని ముగిస్తుంది. అమెజాన్ వంటి సైట్లలో కేవలం రూ. 299 నుంచే ఇవి అందుబాటులో ఉన్నాయి. ఇది కేవలం 350 వాట్ల విద్యుత్‌నే వాడుకుంటుంది, కాబట్టి మీకు కరెంట్ బిల్లు పెరుగుతుందన్న భయం కూడా అక్కర్లేదు. నిజానికి ఇదొక ఎగ్ బాయిలర్ అయినప్పటికీ, దీంతో మీరు ఎన్నో పనులు చేసుకోవచ్చు.

దీంట్లో మీరు 7 గుడ్లు ఒకేసారి ఉడికించుకోవచ్చు. అలాగే బంగాళదుంపలు, క్యారెట్లు, స్వీట్ కార్న్ వంటి వాటిని కూడా ఆవిరిపై హెల్దీగా ఉడికించుకోవచ్చు. ఇందులో ఉన్న సెన్సార్ల వల్ల గుడ్లు ఉడకగానే అదే ఆగిపోతుంది. గ్యాస్ దగ్గర ఉన్నట్లు అక్కడే ఉండి గుడ్లు ఎప్పుడు ఉడుకుతాయో అని దాని దగ్గరే ఉండాల్సిన అవసరం ఏమాత్రం లేదు.

ఏ బ్రాండ్ .. ఎంత ధరకో తెలుసుకోండి..

అమెజాన్ బేసిక్స్: ఇది రూ. 389 కి లభిస్తుంది. దీనితో పాటు నీటిని కొలవడానికి ఒక కప్పును కూడా ఇస్తారు.

లైఫ్‌లాంగ్: బిగ్ బాస్కెట్‌లో ఇది రూ. 399 కి అందుబాటులో ఉంది. ఇది చాలా మన్నికైనది.

లైఫ్‌లాంగ్ 2-ఇన్-1 (పోచర్): పెంకు లేకుండా కేవలం గుడ్డు లోపలి సొనను మాత్రమే ఉడికించుకునే ‘పోచ్డ్ ఎగ్స్’ అంటే ఇష్టపడే వారికి ఇది బెస్ట్. దీని ధర రూ. 765.

తక్కువ ధరలో వంట పనిని సులభం చేసుకోవాలనుకునే వారికి ఈ గ్యాడ్జెట్ ఒక వరం లాంటిదని మార్కెట్ నిపుణులు చెబుతున్నారు.

READ ALSO: What’s Up Naresh: ఆసక్తికరంగా ‘వాట్స్ అప్ నరేష్’ ఫస్ట్ గ్లింప్స్.. చూశారా!