AI Girlfriend: ఆ దేశంలో ఏఐ గర్ల్‌ఫ్రెండ్స్‌ కు పెరుగుతున్న డిమాండ్..

ఈమధ్యకాలంలో ఎక్కడ చూసిన ఆర్టిఫిషియల్ ఇంటెలిజెంట్స్ కు డిమాండ్ పెరుగుతుంది.. పలు సంస్థలు సైతం ఉద్యోగులకు బదులుగా వీటితోనే వాళ్లకు కావలసిన పనిని చేయిస్తున్నారు.. ఒక్క ఉద్యోగాలను మాత్రమే కాదు.. బాధలో ఉన్న అబ్బాయిలకు ఓదార్పునిచ్చే విధంగా ఏఐ గర్ల్‌ఫ్రెండ్స్‌ ను కూడా అందుబాటులోకి తీసుకొని వచ్చారు.. కొన్ని దేశాల్లో చిన్న సమస్యలు ఉన్నా వీటికి డిమాండ్ తగ్గట్లేదు.. అంతగా జనాలు వీటిని కోరుకుంటున్నారు.. అమెరికా వంటి ప్రముఖ దేశాల్లో వీటికి ఆదరణ పెరుగుతుంది..

ఆర్టిఫిషియల్ ఇంటెలిజెన్స్ గర్ల్‌ఫ్రెండ్స్ డిమాండ్ అనూహ్యంగా పెరుగుతున్నది. అమెరికాలో ఈ ట్రెండ్ పెరుగుతుండటం పట్ల నిపుణులు ఆందోళన వ్యక్తం చేస్తున్నారు.. ఏఐ గర్ల్‌ఫ్రెండ్స్ అందుబాటులోకి రావడంతో పురుషుల ఒంటరితనాన్ని మరింత దిగజార్చుతున్నదని ఒలిన్ బిజినెస్ స్కూల్ ప్రాక్టీస్ ఆఫ్ డేటా సైన్స్ ప్రొఫెసర్ లిబర్టీ విటెర్ట్ తాజాగా హెచ్చరించారు. ఏఐ గర్ల్‌ఫ్రెండ్స్ ఉన్నప్పటికీ వాటిగురించి బాహాటంగా వెల్లడించేంతగా ప్రధాన స్రవంతిలోకి వచ్చాయని చెప్పారు..

ఈ గర్ల్ ఫ్రెండ్స్ అనేవి మనుషుల కన్నా ఎక్కువగా జనాలను అర్థం చేసుకొని వారి సమస్యలను దూరం చేస్తున్నాయని సోషల్ మీడియాలో పెద్ద ఎత్తున ప్రచారం జరుగుతున్న సంగతి తెలిసిందే.. గర్ల్‌ఫ్రెండ్స్ తో ముచ్చటిస్తూ, ప్రేమిస్తూ, పర్ఫెక్ట్ రిలేషన్‌షిప్‌ను క్రియేట్ చేసే పలు యాప్స్ అందుబాటులోకి రావడంతో ఇటీవల క్రేజీ పెరిగిందని ప్రముఖ యాప్ రెప్లికా తెలిపింది. ఈ పరిణామం పురుషుల్లో సింగిల్స్‌ను పెంచేస్తుందని, అమెరికాలో బర్త్ రేట్స్‌పై ప్రభావం చూపుతుందని ఆందోళన వ్యక్తం చేస్తున్నారు.. ఇక ముందు ముందు వీటి ప్రభావం ఎలా ఉంటుందో చూడాలి..