Acer TravelLite TL24-54M: భారత్ లో ఏసర్ ట్రావెల్ లైట్ TL24-54M ల్యాప్‌టాప్ విడుదల.. DDR5 RAM సపోర్ట్, AI ఫీచర్లు
- ఏసర్ ట్రావెల్ లైట్ TL24-54M ల్యాప్‌టాప్ విడుదల
- 14 అంగుళాల Full HD+ డిస్‌ప్లే
- మీటింగ్‌లు, ప్రజెంటేషన్‌లు, కార్యాలయ పనులకు అనుకూలం
- Follow Us :
-
-
Add as a preferred
source on google
కంప్యూటర్ హార్డ్‌వేర్ దిగ్గజం Acer భారత మార్కెట్లో తన కొత్త బిజినెస్ ల్యాప్‌టాప్ ‘Acer TravelLite TL24-54M’ను విడుదల చేసింది. Intel కొత్త Core Series 3 ప్రాసెసర్‌తో వచ్చిన తొలి కమర్షియల్ ల్యాప్‌టాప్‌గా ఇది నిలిచింది. 64GB వరకు DDR5 RAM, PCIe Gen4 SSD, AI ఫీచర్లు, తేలికైన అల్యూమినియం డిజైన్ వంటి ప్రత్యేకతలతో ఈ ల్యాప్‌టాప్ ఎంటర్‌ప్రైజ్‌లు, చిన్న, మధ్యతరహా వ్యాపారాలు, విద్యాసంస్థలు, ప్రభుత్వ విభాగాలను లక్ష్యంగా చేసుకుని రూపొందించారు. ఈ ల్యాప్‌టాప్ దేశవ్యాప్తంగా Acer కమర్షియల్ పార్ట్‌నర్ నెట్‌వర్క్ ద్వారా అందుబాటులోకి రానుంది. అయితే, ప్రస్తుతం కంపెనీ దీని అధికారిక ధరను వెల్లడించలేదు.
డిస్‌ప్లే
Acer TravelLite TL24-54Mలో 14 అంగుళాల Full HD+ డిస్‌ప్లేను అందించారు. సన్నని బెజెల్స్‌తో వచ్చే ఈ స్క్రీన్ 180-డిగ్రీల హింజ్‌ను కలిగి ఉండటంతో డిస్‌ప్లేను పూర్తిగా ఫ్లాట్‌గా ఉంచుకునే అవకాశం ఉంటుంది. ఇది మీటింగ్‌లు, ప్రజెంటేషన్‌లు, కార్యాలయ పనులకు అనుకూలంగా ఉంటుంది.
Intel Core Series 3 ప్రాసెసర్‌తో శక్తివంతమైన పనితీరు
ఈ ల్యాప్‌టాప్‌లో Intel Core Series 3 ప్రాసెసర్‌ను ఉపయోగించారు. మెరుగైన పవర్ ఎఫిషియెన్సీ, వేగవంతమైన పనితీరు, బిజినెస్ వర్క్‌లోడ్‌లను సమర్థవంతంగా నిర్వహించేలా ఈ కొత్త ప్రాసెసర్ రూపొందించినట్లు కంపెనీ తెలిపింది. ల్యాప్‌టాప్‌లో గరిష్టంగా 64GB DDR5 RAMను కాన్ఫిగర్ చేసుకునే అవకాశం ఉంది. అలాగే PCIe Gen4 SSD స్టోరేజ్ సపోర్ట్ ఉండటంతో వేగవంతమైన డేటా యాక్సెస్, బూట్ టైమ్ లభిస్తుంది.
భద్రత, AI ఫీచర్లు
Acer TravelLite TL24-54Mలో భద్రతకు అధిక ప్రాధాన్యం ఇచ్చారు.
TPM 2.0 సెక్యూరిటీ సపోర్ట్
ఫింగర్‌ప్రింట్ అథెంటికేషన్
కెన్సింగ్టన్ లాక్ స్లాట్
ప్రైవసీ షట్టర్‌తో కూడిన వెబ్‌క్యామ్
AI ఆధారిత స్మార్ట్ ఫీచర్లు
ఈ ఫీచర్లు డేటా భద్రతను మెరుగుపరచడంతో పాటు బిజినెస్ వినియోగదారులకు అదనపు రక్షణను అందిస్తాయి.
కనెక్టివిటీ
ఈ బిజినెస్ ల్యాప్‌టాప్‌లో పలు ఆధునిక కనెక్టివిటీ ఆప్షన్లు ఉన్నాయి.
Gigabit Ethernet
Wi-Fi
DisplayPort సపోర్ట్‌తో USB Type-C పోర్ట్
HDMI పోర్ట్
బ్యాటరీ, డిజైన్
ల్యాప్‌టాప్‌లో Acer FlexiCharger టెక్నాలజీని అందించారు. ఇది బ్యాటరీ జీవితకాలాన్ని పెంచడంలో సహాయపడుతుంది. అల్యూమినియం ఛాసిస్‌తో రూపొందించిన ఈ ల్యాప్‌టాప్ బరువు కేవలం 1.22 కిలోగ్రాములు మాత్రమే ఉండటంతో ప్రయాణాల్లో సులభంగా తీసుకెళ్లవచ్చు.