Champions Trophy: భారత్ విజయానికి రోహిత్ శర్మ హీరో.. MS ధోని తర్వాత అరుదైన ఘనత

ఐసీసీ ఛాంపియన్ ట్రోఫీలో ఓటమన్నదే లేకుండా టీమిండియా టైటిల్ కైవసం చేసుకుంది. మూడోసారి ఐసీసీ ఛాంపియన్ ట్రోఫిని గెలుచుకుని సరికొత్త హిస్టరీని క్రియేట్ చేసింది. దుబాయ్‌లో జరిగిన 9వ సీజన్ ఫైనల్‌లో న్యూజిలాండ్‌ను 4 వికెట్ల తేడాతో ఓడించి భారత్ మూడోసారి టైటిల్‌ను గెలుచుకుంది. భారత కెప్టెన్ రోహిత్ శర్మ ఫైనల్లో విజయం సాధించి చరిత్ర సృష్టించాడు. కెప్టెన్ రోహిత్ శర్మ 83 బంతుల్లో 76 పరుగులు చేసి భారత్ విజయానికి హీరో అయ్యాడు.

Also Read:NKR 21 : అర్జున్ S/O వైజయంతి రిలీజ్ డేట్ ఫిక్స్

రోహిత్ కెప్టెన్సీలో భారత జట్టు ఇప్పటివరకు 56 వన్డే మ్యాచ్‌లు ఆడి 42 మ్యాచ్‌ల్లో విజయం సాధించింది. టీమిండియా 12 మ్యాచ్‌ల్లో ఓడిపోయింది. 1 మ్యాచ్ టై అయింది, 1 మ్యాచ్‌లో విజయం సాధించలేకపోయింది. రాహుల్ ద్రవిడ్ కెప్టెన్సీలో భారత జట్టు 79 మ్యాచ్‌లు ఆడి 42 మ్యాచ్‌ల్లో గెలిచింది. ఈ విధంగా రోహిత్ శర్మ ద్రవిడ్‌ రికార్డును సమం చేశాడు. హిట్ మ్యాన్ వన్డేల్లో భారత జట్టు తరపున అత్యంత విజయవంతమైన కెప్టెన్‌గా నిలిచాడు. మహేంద్ర సింగ్ ధోని తర్వాత రెండు ఐసీసీ ట్రోఫీలు గెలిచిన రెండవ భారత కెప్టెన్‌గా రోహిత్ అరుదైన ఘనతను సాధించాడు. ఐసీసీ ట్రోఫీలు గెలుచుకున్న భారత జట్టుకు అత్యంత విజయవంతమైన కెప్టెన్ ధోనీ. మహీ కెప్టెన్సీలో భారత్ మూడు ఐసీసీ ట్రోఫీలను గెలుచుకుంది.

Also Read:IND vs NZ: రోహిత్ ఖాతాలో మరో “హిట్టు”.. భారత్ ఘన విజయం..

మహేంద్ర సింగ్ ధోని సారథ్యంలో టీం ఇండియా 2007 T20 ప్రపంచ కప్, 2011 వన్డే ప్రపంచ కప్, 2013 ఛాంపియన్స్ ట్రోఫీని గెలుచుకుంది. రోహిత్ కెప్టెన్సీలో భారత జట్టు 2024 T20 ప్రపంచ కప్‌ను గెలుచుకుంది. ఇప్పుడు రోహిత్ తన రెండవ ఐసిసి ట్రోఫీని గెలుచుకున్నాడు. 1983లో కపిల్ దేవ్ కెప్టెన్సీలో మెన్ ఇన్ బ్లూ తొలిసారి వన్డే ప్రపంచ కప్‌ను గెలుచుకుంది. దీనితో పాటు, సౌరవ్ గంగూలీ కెప్టెన్సీలో భారతదేశం 2002లో ఛాంపియన్స్ ట్రోఫీని (శ్రీలంకతో కలిసి) సంయుక్తంగా గెలుచుకుంది.

ఐసిసి ట్రోఫీని గెలుచుకున్న భారత కెప్టెన్లు

మహేంద్ర సింగ్ ధోని: T20 ప్రపంచ కప్ 2007
మహేంద్ర సింగ్ ధోని: వన్డే ప్రపంచ కప్ 2011
మహేంద్ర సింగ్ ధోని: ఛాంపియన్స్ ట్రోఫీ 2013
రోహిత్ శర్మ: T20 ప్రపంచ కప్ 2024
రోహిత్ శర్మ: ఛాంపియన్స్ ట్రోఫీ 2025
సౌరవ్ గంగూలీ: ఛాంపియన్స్ ట్రోఫీ 2002
కపిల్ దేవ్: 1983 వన్డే ప్రపంచ కప్