పూణె వేదికగా కోల్కతా నైట్రైడర్స్తో జరుగుతున్న మ్యాచ్లో నిర్ణీత 20 ఓవర్లలో లక్నో సూపర్జెయింట్స్ జట్టు ఏడు వికెట్ల నష్టానికి 176 పరుగులు చేసింది. ఈ మ్యాచ్లో కోల్కతా టాస్ గెలిచి ఫీల్డింగ్ ఎంచుకుంది. దీంతో తొలుత బ్యాటింగ్ చేసిన లక్నో జట్టుకు ఆదిలోనే షాక్ తగిలింది. ఓపెనర్ కేఎల్ రాహుల్ డకౌట్గా వెనుతిరిగాడు. అయితే మరో ఓపెనర్ క్వింటన్ డికాక్ హాఫ్ సెంచరీతో రాణించాడు. డికాక్ 36 బంతుల్లో 4 ఫోర్లు, మూడు సిక్సర్ల సహాయంతో 50 పరుగులు చేసి అవుటయ్యాడు.
దీపక్ హుడా (40) డికాక్కు మంచి సహకారం అందించాడు. కృనాల్ పాండ్యా (25), స్టాయినీస్ (28) పరుగులు చేశారు. అయితే శివం మావి వేసిన 19వ ఓవర్లో లక్నో బ్యాటర్లు రెచ్చిపోయారు. స్టాయినీస్ వరుసగా మూడు సిక్సులు కొట్టి నాలుగో బంతికి అవుటయ్యాడు. తర్వాత రెండు బంతుల్లో జాసన్ హోల్డర్ 2 సిక్సులు కొట్టాడు. దీంతో శివం మావి ఓవర్లో మొత్తం 30 పరుగులు వచ్చాయి. కాగా కోల్కతా బౌలర్లలో రస్సెల్ 2 వికెట్లు తీయగా.. సౌథీ, శివమ్ మావీ, సునీల్ నరైన్ తలో వికెట్ సాధించారు.