కోహ్లీని బీట్ చేసిన సచిన్… ఎందులో అంటే..?

ప్రపంచంలో అత్యంత ఆరాధించబడే టాప్‌-20 పురుషుల జాబితాలో విరాట్ కోహ్లి చోటు దక్కించుకున్నాడు. ఈ జాబితాలో కోహ్లి 18వ స్థానంలో నిలిచాడు. అయితే కోహ్లీ కంటే ముందు భారత ప్రధాని నరేంద్ర మోడీ, క్రికెట్‌ దిగ్గజం సచిన్ టెండూల్కర్, బాలీవుడ్ నటులు షారుక్ ఖాన్, అమితాబ్‌ బచ్చన్ ఉన్నారు. ఈ జాబితాలో మోడీ 8వ స్థానంలో నిలవగా… ఎప్పుడో క్రికెట్ ను వదిలేసిన సచిన్ 12 వ స్థానంలో ఉన్నాడు. అలాగే షారుక్ ఖాన్, అమితాబ్‌ బచ్చన్ వరుసగా 14, 15 వ స్థానాల్లో నిలిచారు. అయితే ఈ 2021 సంవత్సరానికి గానూ ప్రతిష్టాత్మక యూగోవ్ సంస్థ నిర్వహించిన సర్వేలో అమెరికా మాజీ అధ్యక్షుడు బరాక్ ఒబామా వరుసగా రెండో ఏడాది అగ్రస్థానంలో నిలిచాడు. మైక్రోసాఫ్ట్‌ అధినేత బిల్‌ గేట్స్‌, చైనా అధ్యక్షుడు జిన్‌ పింగ్‌ తర్వాతి స్థానంలో ఉన్నారు.