Ravichandran Ashwin Retirement: టీమిండియా దిగ్గజ స్పిన్నర్ రవిచంద్రన్ అశ్విన్ ఐపీఎల్కు గుడ్ బై చెప్పాడు. ఈ విషయాన్ని ఈరోజు (ఆగస్ట్ 27) సోషల్ మీడియా వేదికగా తెలిపారు. ఇప్పటికే అంతర్జాతీయ క్రికెట్కి రిటైర్మెంట్ ప్రకటించిన అశ్విన్.. కేవలం ఐపీఎల్ లో మాత్రమే కొనసాగుతున్నాడు.. గత సీజన్లో చెన్నై సూపర్ కింగ్స్ తరుఫున బరిలోకి దిగిన ఈ స్టార్ స్పిన్నర్.. గత సీజన్లో అంచనాల మేర రాణించలేకపోవడంతో సీఎస్కే వచ్చే సీజన్కు ఆర్. అశ్విన్ను వేలానికి వదిలి పెట్టడంతో గత కొద్ది రోజులుగా క్రీడా వర్గాల్లో జోరుగా ప్రచారం కొనసాగుతుంది. ఈ క్రమంలోనే అశ్విన్ ఐపీఎల్కు వీడ్కోలు చెప్పడం గమనార్హం.
Read Also: Ganesh Chaturthi 2025: గణేష్ పండుగ భారత్ లోనే కాదు.. ఈ దేశాల్లో కూడా జరుపుకుంటారు తెలుసా?
ఐపీఎల్ ప్లేయర్గా నా టైమ్ నేటితో ముగిసింది.. కానీ వివిధ లీగ్ల్లో ఆటగాడిగా నా సమయం ఈరోజుతో ప్రారంభమైందని అశ్విన్ ఎక్స్ వేదికగా రాసుకొచ్చారు. ఇన్ని సంవత్సరాలు అద్భుతమైన జ్ఞాపకాలు అందించిన అన్ని ఫ్రాంచైజీలు, ఐపీఎల్, బీసీసీఐకి నా ధన్యవాదాలు.. భవిష్యత్ను మరింత ఆస్వాదించడానికి, సద్వినియోగం చేసుకోవడానికి ఎంతో ఆసక్తిగా ఎదురు చూస్తున్నాను అని రిటైర్మెంట్ ప్రకటనలో అశ్విన్ వెల్లడించారు.
Read Also: Delhi: గాజాలో జర్నలిస్టుల హత్యను ఖండించిన భారత్.. మృతులకు విదేశాంగ శాఖ సంతాపం
అయితే, రవిచంద్రన్ అశ్విన్ ఐపీఎల్లో 221 మ్యాచ్లు ఆడి 187 వికెట్లు తీసుకున్నాడు. లీగ్లో చెన్నై సూపర్ కింగ్స్, రైజింగ్ పూణే సూపర్జెయింట్స్, పంజాబ్ కింగ్స్, ఢిల్లీ క్యాపిటల్స్, రాజస్థాన్ రాయల్స్ తరఫున ఆడాడు. అలాగే, పంజాబ్కు కెప్టెన్గా కూడా కొనసాగాడు. అలాగే, ఐపీఎల్ చరిత్రలో అత్యధిక వికెట్లు తీసిన ఐదో బౌలర్గా అశ్విన్ రిటైర్మెంట్ తీసుకున్నాడు. యుజ్వేంద్ర చాహల్, భువనేశ్వర్ కుమార్, సునీల్ నరైన్, పియూష్ చావ్లాలు అశ్విన్ కంటే ముందు వరుసలో ఉన్నారు.
Special day and hence a special beginning.
They say every ending will have a new start, my time as an IPL cricketer comes to a close today, but my time as an explorer of the game around various leagues begins today🤓.
Would like to thank all the franchisees for all the…
— Ashwin 🇮🇳 (@ashwinravi99) August 27, 2025