Virat Kohli Injury: ఆర్సీబీ ఫ్యాన్స్‌కు బ్యాడ్ న్యూస్!! మ్యాచ్‌కు ముందు కోహ్లీకి ఏమైందో చూడండి..(వీడియో)

Virat Kohli Injury: నేడు లక్నో సూపర్ జెయింట్స్ (LSG), రాయల్ ఛాలెంజర్స్ బెంగళూరు (RCB) తలపడనున్నాయి. ఇంతలో ఆర్సీబీ ఫ్యాన్స్‌కు షాకింగ్ వార్త వచ్చింది! మ్యాచ్‌కు ముందు జరిగిన శిక్షణా సెషన్‌లో రాయల్ ఛాలెంజర్స్ బెంగళూరు (RCB) స్టార్ బ్యాటర్ విరాట్ కోహ్లీ కనిపించాడు. అయితే.. విరాట్ తన కాలికి పెద్ద బ్యాండేజ్ వేసుకుని ఉండటం అభిమానులను కలవరపెట్టింది. లక్నో సోషల్ మీడియా హ్యాండిల్ పోస్ట్ చేసిన ఓ వీడియోలో విరాట్ ఎల్‌ఎస్‌జీ ఎల్‌ఎస్‌జీ సపోర్ట్ స్టాఫ్ సభ్యుడు కేన్ విలియమ్సన్, కెప్టెన్ రిషబ్ పంత్‌ను కలిసి ముచ్చటించడం కనిపించింది. ఈ వీడియోలో విరాట్ కాలికి పెద్ద బ్యాండేజ్ కనిపించింది. కోహ్లీ కాలికి లేదా చీలమండకు గాయం అయ్యిందనే వార్తలు వినిపిస్తున్న తరుణంలో ఈ వీడియో వైరల్ అయ్యింది. గాయం అయినప్పటికీ విరాట్ నెట్స్‌లో బ్యాటింగ్ ప్రాక్టీస్ చేయడం కాస్త ఊరటనిస్తోంది.

READ MORE: Astrology: ఏప్రిల్‌ 15, బుధవారం దినఫలాలు.. ఈ రాశివారు సూపర్ న్యూస్ వింటారు..!

ఇదిలా ఉండగా.. ఈ సీజన్‌లో కోహ్లీ మంచి ఫామ్‌లో కనిపిస్తున్నాడు. ఇప్పటివరకు ఆడిన నాలుగు మ్యాచ్‌ల్లో 59.66 సగటుతో 162.72 స్ట్రైక్ రేట్‌తో 179 పరుగులు పూర్తి చేశాడు. ఇందులో రెండు హాఫ్ సెంచరీలు ఉన్నాయి. అత్యధికంగా 69 పరుగులు స్కోర్ చేశాడు. ముంబై ఇండియన్స్‌తో జరిగిన గత మ్యాచ్‌లో కూడా కోహ్లీ 38 బంతుల్లో 50 పరుగులు చేసి జట్టు విజయంలో కీలక పాత్ర పోషించాడు. కాకపోతే, ఆ మ్యాచ్‌లో విరాట్ తన సహజసిద్ధమైన శైలిలో ఫ్లూయెంట్‌గా ఆడలేకపోయాడు. అంతేకాకుండా, ముంబై ఇన్నింగ్స్ సమయంలో కోహ్లీ ఫీల్డింగ్‌కు రాకుండా జాకెట్ వేసుకుని బయటే కూర్చోవడం గమనార్హం. రాజస్థాన్ రాయల్స్ చేతిలో ఓటమి తర్వాత, ముంబై ఇండియన్స్‌పై 18 పరుగుల తేడాతో గెలిచి ఆర్సీబీ మళ్లీ ఫామ్‌లోకి వచ్చింది. అయితే.. ప్రస్తుతం విరాట్ గాయం తీవ్రత ఎంత అనేది తెలియాల్సి ఉంది. లక్నోతో మ్యాచ్‌కు అతను అందుబాటులో ఉంటాడా లేదా అన్నది ఆర్సీబీ అవకాశాలపై ప్రభావం చూపనుంది.

Yaari dosti 🥹🤌 pic.twitter.com/lgdcrCTITI

— Lucknow Super Giants (@LucknowIPL) April 14, 2026