ఐపీఎల్ 2026లో రాయల్ ఛాలెంజర్స్ బెంగళూరు (RCB) vs కోల్కతా నైట్ రైడర్స్ (KKR) మ్యాచ్లో విరాట్ కోహ్లీ చేసిన ఒక్క రన్ సెలబ్రేషన్ సోషల్ మీడియాను ఊపేసింది. రెండు మ్యాచ్ల్లో వరుస డక్లు (గోల్డెన్ డక్స్) తర్వాత బ్యాటింగ్కు వచ్చిన కింగ్ కోహ్లీ మొదటి రన్ తీసుకున్న వెంటనే ఫిస్ట్ పంప్ చేసి, సెలబ్రేట్ చేసుకున్నాడు. ఈ మూమెంట్స్ వైరల్ అయి లక్షలాది వ్యూస్ అందుకుంది.
కేకేఆర్ తో జరిగిన మ్యాచ్లో RCB 193 రన్ల టార్గెట్ చేధించాల్సి ఉండగా, ఓపెనర్గా దిగిన కోహ్లీ మొదటి ఓవర్లోనే డెబ్యూటెంట్ సౌరభ్ దుబే బంతిని స్క్వేర్ లెగ్ వైపు తప్పించి క్విక్ సింగిల్ తీసుకున్నాడు. ఆ రన్ పూర్తి చేసిన వెంటనే కోహ్లీ గాలిలోకి ఫిస్ట్ పంప్ చేసి, ఉత్సాహంగా అరిచాడు. ఇది కేవలం రన్ కాదు, డక్ల నుంచి బయటపడి తిరిగి తన ఫామ్ను నిరూపించుకునే సంకల్పం. ఈ సెలబ్రేషన్ సెంచరీ సాధించినట్టు ఉందని అభిమానులు కామెంట్స్ చేశారు.
ఈ సెలబ్రేషన్ సెంచరీ సెలబ్రేషన్కంటే ఎక్కువ ఎనర్జీతో ఉంది. ఈ ఒక్క రన్ తర్వాత కోహ్లీ ఫైర్ అయ్యాడు. 60 బంతుల్లో 105 రన్లు (11 ఫోర్లు, 3 సిక్సర్లు) కొట్టి సెంచరీ సాధించాడు. RCB 193 రన్ల టార్గెట్ను 19.1 ఓవర్లలో చేధించి విజయం సాధించింది. కోహ్లీ ప్లేయర్ ఆఫ్ ది మ్యాచ్ అవ్వడం మాత్రమే కాకుండా, T20ల్లో 14,000 రన్ల మైలురాయిని కూడా అందుకున్నాడు. ఇది ఐపీఎల్లో 9వ సెంచరీ. RCB జట్టు విజయం సాధించింది. కోహ్లీ ప్లేయర్ ఆఫ్ ది మ్యాచ్ అయ్యాడు. మొదట బ్యాటింగ్ చేసిన కోల్కతా 192/4 స్కోరు చేసింది. గెలుపే లక్ష్యంగా బరిలోకి దిగిన RCB ఐదు బంతులు మిగిలి ఉండగానే ఆరు వికెట్ల తేడాతో మ్యాచ్ను గెలుచుకుంది. ఈ విజయంతో ఆర్సిబి, గుజరాత్ టైటాన్స్ను అధిగమించి పాయింట్ల పట్టికలో అగ్రస్థానానికి చేరుకుంది.