RCB Vs CSK: టాస్ గెలిచిన CSK.. ఆర్సీబీ బ్యాటింగ్.. తుది జట్లు ఇవే..

ఐపీఎల్ 2026లో భాగంగా ఆదివారం (ఏప్రిల్ 5) బెంగళూరులోని చిన్నస్వామి స్టేడియంలో రాయల్ ఛాలెంజర్స్ బెంగళూరు (RCB), చెన్నై సూపర్ కింగ్స్ (CSK) మధ్య హై-వోల్టేజ్ పోరు ప్రారంభమైంది. ఈ మ్యాచ్‌లో టాస్ గెలిచిన చెన్నై సూపర్ కింగ్స్ కెప్టెన్ రుతురాజ్ గైక్వాడ్ మొదట బౌలింగ్ ఎంచుకున్నారు. దీంతో డిఫెండింగ్ ఛాంపియన్ ఆర్సీబీ తొలుత బ్యాటింగ్‌కు దిగనుంది.

చిన్నస్వామి స్టేడియం బ్యాటింగ్‌కు అనుకూలమైన పిచ్ కావడం, రాత్రి సమయంలో మంచు (Dew) ప్రభావం ఉండే అవకాశం ఉండటంతో చెన్నై జట్టు ఛేజింగ్‌కే మొగ్గు చూపింది. గాయం కారణంగా ఎంఎస్ ధోనీ ఈ మ్యాచ్‌కు దూరం కావడం సిఎస్‌కే అభిమానులను కొంత నిరాశకు గురిచేసింది.

తుది జట్లు ఇవే.. 

రాయల్ ఛాలెంజర్స్ బెంగళూరు (RCB):
విరాట్ కోహ్లీ, ఫిల్ సాల్ట్, దేవదత్ పడిక్కల్, రజత్ పాటిదార్ (కెప్టెన్), జితేష్ శర్మ (కీపర్), టిమ్ డేవిడ్, రొమారియో షెపర్డ్, కృనాల్ పాండ్యా, భువనేశ్వర్ కుమార్, అభినందన్ సింగ్, జాకబ్ డఫీ. (ఇంపాక్ట్ ప్లేయర్: సుయాష్ శర్మ)

చెన్నై సూపర్ కింగ్స్ (CSK):
సంజూ శాంసన్ (కీపర్), రుతురాజ్ గైక్వాడ్ (కెప్టెన్), ఆయుష్ మ్హాత్రే, సర్ఫరాజ్ ఖాన్, శివమ్ దూబే, కార్తీక్ శర్మ, ప్రశాంత్ వీర్, మాట్ హెన్రీ, నూర్ అహ్మద్, ఖలీల్ అహ్మద్, రాహుల్ చాహర్. (ఇంపాక్ట్ ప్లేయర్: అన్షుల్ కాంబోజ్)

గత మూడు ఐపీఎల్ మ్యాచ్‌ల్లో సిఎస్‌కేపై వరుస విజయాలు సాధించిన ఆర్సీబీ, అదే జోరును కొనసాగించాలని చూస్తోంది. మరోవైపు, ఈ సీజన్‌లో ఇప్పటివరకు ఆడిన రెండు మ్యాచ్‌ల్లోనూ ఓడిపోయిన చెన్నై, ఈ కీలక పోరుతో మళ్ళీ ఫామ్‌లోకి రావాలని పట్టుదలతో ఉంది. కోహ్లీ, సాల్ట్ వంటి విధ్వంసకర ఓపెనర్లు ఉన్న ఆర్సీబీని కట్టడి చేయడం చెన్నై బౌలర్లకు పెద్ద సవాలే.