IND vs ENG: అతడు ఎందుకు దండగ.. ఎప్పుడో జట్టు నుంచి తప్పించాల్సింది!
- భారత జట్టుపై తీవ్ర విమర్శలు
- జట్టు ఎంపికపై ప్రశ్నలు లేవనెత్తుతున్న మాజీ క్రికెటర్లు
- తిలక్ పూర్తిగా 'క్లూలెస్'గా కనిపిస్తున్నాడు
- Follow Us :
-
-
Add as a preferred
source on google
Krishnamachari Srikkanth Slams Tilak Varma: ఇంగ్లండ్ పర్యటనలో వరుస వైఫల్యాలు చవిచూస్తుండటంతో భారత జట్టుపై తీవ్ర విమర్శలు వెల్లువెత్తుతున్నాయి. ముఖ్యంగా బ్యాటింగ్ విభాగం దారుణంగా విఫలమవుతుండటంతో.. మాజీ క్రికెటర్లు జట్టు ఎంపికపై ప్రశ్నలు లేవనెత్తుతున్నారు. ఈ నేపథ్యంలో 1983 ప్రపంచకప్ విజేత, మాజీ బీసీసీఐ చీఫ్ సెలెక్టర్ కృష్ణమాచారి శ్రీకాంత్ స్పందిస్తూ.. టీమిండియా వైస్ కెప్టెన్, తెలుగు ఆటగాడు తిలక్ వర్మపై తీవ్ర స్థాయిలో విమర్శలు గుప్పించాడు. అతడు పూర్తిగా ‘క్లూలెస్’గా కనిపిస్తున్నాడని, షార్ట్ పిచ్ బంతులకు తీవ్రంగా ఇబ్బంది పడుతున్నాడన్నాడు. తిలక్ వర్మను జట్టు నుంచి తప్పించాలని శ్రీకాంత్ అభిప్రాయపడ్డాడు.
‘తిలక్ను ఎప్పుడో డ్రాప్ చేయాలి’:
తన యూట్యూబ్ ఛానెల్లో క్రిస్ శ్రీకాంత్ మాట్లాడుతూ… ‘తిలక్ వర్మ ఇప్పటికే వైస్ కెప్టెన్. త్వరలో కెప్టెన్ కూడా అయ్యే అవకాశం ఉందని చెబుతున్నారు. కానీ అతడి ఆట చూస్తే మాత్రం అది సాధ్యం అయ్యేలా కనిపించడం లేదు. ముఖ్యంగా ఫాస్ట్, బౌన్స్ ఉన్న బౌలింగ్ను ఎదుర్కోవడంలో పూర్తిగా తడబడుతున్నాడు. తిలక్ ఇప్పుడు పూర్తిగా క్లూలెస్గా కనిపిస్తున్నాడు. నేను చాలా రోజులుగా అతడిని జట్టు నుంచి తప్పించాలని చెబుతున్నా. కానీ సెలెక్టర్లు మాత్రం అతడికి పదే పదే అవకాశాలు ఇస్తున్నారు. ఎందుకో మరి నాకు అర్ధం కావడం లేదు’ అని అన్నాడు.
అక్షర్ను ముందుగా పంపడం ఎందుకు?:
తిలక్ వర్మ బలహీనత జట్టు యాజమాన్యానికే తెలుసని శ్రీకాంత్ అభిప్రాయపడ్డాడు. ‘తిలక్ను ప్రధాన బ్యాటర్గా, వైస్ కెప్టెన్గా నియమించారు. అతడిని ఫాస్ట్ బౌలర్ల నుంచి కాపాడేందుకు అక్షర్ పటేల్ను ముందుగా బ్యాటింగ్కు పంపుతున్నారు. షార్ట్ పిచ్ బంతులపై తిలక్ ఇబ్బంది పడతాడని వారికి తెలుసు. అలాంటప్పుడు అతడిని జట్టులో కొనసాగించడం ఎందుకు?’ అని ప్రశ్నించాడు. తిలక్ వర్మ స్థానంలో వికెట్కీపర్ బ్యాటర్ సంజు శాంసన్కు అవకాశం ఇవ్వాలని సూచించాడు. ‘తిలక్ కంటే నేను సంజును ఆడిస్తాను. అతడు ఇప్పటికే అంతర్జాతీయ స్థాయిలో తన సామర్థ్యాన్ని నిరూపించాడు. ఇలాంటి సమయంలో అనుభవం ఉన్న ఆటగాడికి అవకాశం ఇవ్వడం జట్టుకు మేలు చేస్తుంది’ అని శ్రీకాంత్ చెప్పాడు.
టీమిండియా బ్యాటింగ్పై తీవ్ర ఆందోళన:
మూడో టీ20లో భారత్ 76 పరుగులకే ఆలౌట్ కావడం తీవ్ర విమర్శలకు దారితీసింది. ఇంగ్లండ్ గడ్డపై భారత పురుషుల జట్టు నమోదు చేసిన అత్యల్ప టీ20 స్కోరుగా ఇది నిలిచింది. ఆ మ్యాచ్లో తిలక్ వర్మ 11 బంతుల్లో కేవలం 3 పరుగులు మాత్రమే చేసి నిరాశపరిచాడు. అతని ఇన్నింగ్స్ కూడా భారత బ్యాటర్ల వైఫల్యానికి ప్రతీకగా నిలిచింది. ఇప్పటికే వరుసగా ఐదు టీ20 మ్యాచ్ల్లో ఓడిపోయిన టీమిండియా.. సిరీస్లో క్లీన్ స్వీప్ కాకుండా ఉండాలంటే మిగిలిన ఒక మ్యాచ్ల్లో విజయం సాధించాలి. బ్యాటింగ్ వైఫల్యాలను అధిగమిస్తేనే భారత్ విజయం అందుకుంటుంది.