IPL 2022: మలింగ రికార్డును బద్దలు కొట్టిన డ్వేన్ బ్రావో
- Follow Us :
-
-
Add as a preferred
source on google
గురువారం లక్నో సూపర్ జెయింట్స్తో జరిగిన మ్యాచ్లో చెన్నై సూపర్కింగ్స్ ఆల్రౌండర్ డ్వేన్ బ్రావో ఐపీఎల్లో సరికొత్త రికార్డును నమోదు చేశాడు. ఈ మ్యాచ్లో లక్నో ఆటగాడు దీపక్ హుడాను అవుట్ చేయడం ద్వారా ఐపీఎల్లో అత్యధిక వికెట్లు తీసిన బౌలర్గా బ్రావో చరిత్ర సృష్టించాడు. దీంతో ఇప్పటివరకు మలింగ పేరిట ఉన్న రికార్డును బ్రావో బద్దలు కొట్టాడు. ఐపీఎల్లో ఇప్పటివరకు బ్రావో 171 వికెట్లు తీసి అగ్రస్థానానికి చేరుకున్నాడు. అతడి తర్వాత స్థానంలో ఉన్న మలింగ 170 వికెట్లు సాధించాడు. ఈ జాబితాలో వీరి తర్వాత అమిత్ మిశ్రా (166), పీయుష్ చావ్లా (157), హర్భజన్ సింగ్ (150) ఉన్నారు.
కాగా శ్రీలంక ఆటగాడు లసిత్ మలింగ, వెస్టిండీస్ ఆటగాడు డ్వేన్ బ్రావో ఇద్దరూ కలిసి గతంలో ముంబై ఇండియన్స్ తరఫున ఆడారు. 2009, 2010 సీజన్లలో బ్రావో, మలింగ ముంబై ఇండియన్స్కు ప్రాతినిధ్యం వహించారు. ఐపీఎల్లో 2009 నుంచి 2019 వరకు ఆడిన లసిత్ మలింగ.. అన్ని సీజన్లలోనూ ముంబై ఇండియన్స్కే ఆడాడు. అతడు మొత్తం 122 మ్యాచ్లు ఆడి 170 వికెట్లు పడగొట్టాడు. మరోవైపు ఐపీఎల్లో 2008 నుంచి ఆడుతున్న డ్వేన్ బ్రావో ఇప్పటివరకు 152 మ్యాచ్లు ఆడి 170 వికెట్లు తీశాడు.