బెంగళూర్ వీళ్ళనే రిటైన్ చేసుకుంటుంది : ఆకాష్ చోప్రా

ఐపీఎల్ 2022 లోకి రెండు కొత్త జట్లు వస్తుండటంతో మెగా వేలం జరగనుంది. అందువల్ల అన్ని జట్లు ఎవరైనా 4 ఆటగాళ్లను మాత్రమే రిటైన్ చేసుకునే అవకాశం ఇచ్చింది బీసీసీఐ. అయితే ఈ ఏడాది ఐపీఎల్ లో ప్లే ఆఫ్స్ వరకు వెళ్లి అక్కడ ఎనిమినేటర్ లో కేకేఆర్ చేతిలో ఓడిపోయిన రాయల్ ఛాలెంజర్స్ బెంగళూరు (ఆర్సీబీ) జట్టు ఎవరిని తమ వెంట ఉంచుకుంటుంది అనేదానిపై చాలా సందేహాలు ఉన్నాయి. అయితే ఈ విషయం పై తాజాగా క్రికెట్ వ్యాఖ్యాత ఆకాష్ చోప్రా మాట్లాడుతూ… ఆర్సీబీ జట్టు రిటైన్ చేసుకునే నలుగురు ఆటగాళ్ల గురించి తెలిపాడు.

ఆర్సీబీ మొదట విరాట్ కోహ్లీ.. ఆ తర్వాత స్పిన్నర్ యుజ్వేంద్ర చాహల్‌ ను తప్పకుండ వెనక్కి తీసుకుంటుంది అని అన్నాడు. అలాగే ఆ తర్వాత మూడో భారత ఆటగాడిగా మహ్మద్ సిరాజ్ , హర్షల్ పటేల్‌ లలో ఎవరిని తీసుకోవాలి అనే దానిపై జట్టు ఆలోచనలో పడుతుంది అని చెప్పాడు. అయితే ఈ నిర్ణయం నా చేతిలో ఉంటె సిరాజ్ తో పటు నేను దేవదత్ పడిక్కల్‌ను తీసుకుంటాను అని అన్నాడు. అయితే సిరాజ్ , హర్షల్ పటేల్‌ విషయంలో జట్టు భవిష్యత్ ను దృష్టిలో పెట్టుకొని ఎంపిక చేయాలి అంటే సిరాజ్.. లేదా ప్రస్తుతం ఫామ్ ప్రజారం అయితే హర్షల్ ను రిటైన్ చేసుకోవాలని తెలిపారు.