ప్రపంచంలోనే అతిపెద్ద వీడియో ప్లాట్ఫామ్ అయిన యూట్యూబ్ మంగళవారం రాత్రి నుంచి అంతరాయాలను ఎదుర్కొంది. భారతదేశంలోని మిలియన్ల మంది యూజర్లు వెబ్సైట్, యాప్ను యాక్సెస్ చేయలేకపోతున్నారు. వరల్డ్ వైడ్ గా యూట్యూబ్ సేవలు నిలిచిపోయాయి. అవుట్టేజ్ ట్రాకింగ్ సైట్ డౌన్డెటెక్టర్ ప్రకారం, ఈ సమస్య రాత్రి 8 గంటల ప్రాంతంలో (EST) యునైటెడ్ స్టేట్స్లో ప్రారంభమైంది, ఇక్కడ 320,000 కంటే ఎక్కువ నివేదికలు నమోదయ్యాయి.
భారతదేశంలో కూడా పరిస్థితి ఇలాగే ఉంది. ఈ ఉదయం భారతదేశంలో 18,000 మందికి పైగా వినియోగదారులు DownDetectorలో సమస్యలను నివేదించారు. చాలా మంది భారతీయ వినియోగదారులు వీడియోలు ప్లే కావడం లేదని లేదా సెర్చ్ రిజల్ట్ కనిపించడం లేదని ఫిర్యాదు చేశారు. ఈ సమస్యకు కారణం లేదా ఎప్పుడు పరిష్కరిస్తారనే దానిపై Google లేదా YouTube నుండి ఇంకా అధికారిక సమాచారం అందించలేదు. నిపుణులు ఇది USలో ఉద్భవించి ప్రపంచవ్యాప్తంగా వ్యాపించిన సర్వర్ వైపు సమస్య కావచ్చునని భావిస్తున్నారు.
