Yogibabu : బంఫర్ ఆఫర్ కొట్టేసిన యోగిబాబు.. ప్రభాస్ సినిమాలో ఛాన్స్..

తమిళ స్టార్ కమెడియన్ యోగిబాబుకు పరిచయాలు అవసరం లేదు.. తమిళ్ లో వరుస సినిమాలతో దూసుకుపోతున్నాడు.. తమిళ్ లో స్టార్ హీరోల సినిమాల్లో తప్పకుండా యోగిబాబు నటిస్తున్నాడు.. అతి తక్కువ కాలంలోనే స్టార్ కమెడియన్ గా గుర్తింపు తెచ్చుకున్నారు.. తమిళ సినిమాలు తెలుగులో కూడా వస్తున్నాయి. దాంతో ఇక్కడి వాళ్లకు కూడా అతను సుపరిచితమే.. శివకార్తికేయన్ నటించిన డాన్ లో నటించాడు యోగి బాబు. ఈ తెలుగులో కూడా డబ్ అయ్యింది. అలాగే దళపతి వారసుడు మూవీలోనూ నటించాడు.

ఇక ఇప్పుడు యోగిబాబు డైరెక్ట్ గా తెలుగు సినిమాలో నటించనున్నాడని వార్తలు వినిపిస్తున్నాయి..యోగిబాబు కు ఇప్పుడు టాలీవుడ్ నుంచి ఓ బంపర్ ఆఫర్ వచ్చిందని తెలుస్తోంది. టాలీవుడ్ లో యోగి బాబు ఓ బడా స్టార్ హీరో సినిమాలో ఛాన్స్ కొట్టేసినట్లు తెలుస్తుంది.. మొదటి సినిమానే పాన్ ఇండియా సినిమా కావడం విశేషం..

పాన్ ఇండియా స్టార్ ప్రభాస్ హీరోగా నటిస్తున్న చిత్రంలో యోగిబాబు నటిస్తున్నారని తెలుస్తోంది. ప్రభాస్ ప్రస్తుతం సలార్ తో ప్రేక్షకుల ముందుకు రానున్నాడు. ప్రశాంత్ నీల్ దర్శకత్వంలో ఈ మూవీ తెరకెక్కుతోంది. ఈసినిమా డిసెంబర్ 22న ప్రేక్షకుల ముందుకు రానుంది. ఈసినిమా కోసం ఎప్పటినుంచో డార్లింగ్ ఫ్యాన్స్ ఈగర్ గా వెయిట్ చేస్తున్నారు.. ఈ మూవీ తర్వాత మారుతి దర్శకత్వంలో ఓ సినిమా చేస్తున్నాడు ప్రభాస్. ఈ సినిమాపై ఇప్పటికే చాలా ఊహాగానాలు వినిపిస్తున్నాయి. మారుతీ హారర్ కామెడీ నేపథ్యంలో ఉంటుందని టాక్ వినిపిస్తుంది. ఇక ఈ సినిమాలో ఏకంగా ఐదుగురు హీరోయిన్స్ నటిస్తారని కూడా టాక్ వినిపిస్తుంది. ఇదిలా ఉంటే.. యోగిబాబు కూడా నటిస్తున్నారని టాక్ వినిపిస్తుంది. ప్రభాస్, యోగిబాబు కాంబినేషన్స్ లో వచ్చే సీన్స్ ప్రేక్షకులను మెప్పిస్తాయని అంటున్నారు. త్వరలోనే దీనిపై ఓ క్లారిటీ రానుందని తెలుస్తుంది..