Toxic Movie టాక్సిక్’ ట్రైలర్ డేట్ ఫిక్స్.. బెంగళూరులో భారీ ఈవెంట్కు యష్ ప్లాన్!
కన్నడ పవర్హౌస్ యష్ హీరోగా, గీతూ మోహన్ దాస్ దర్శకత్వంలో తెరకెక్కుతున్న ప్రతిష్టాత్మక పాన్ ఇండియా చిత్రం ‘టాక్సిక్’. ఈ సినిమాపై ఉన్న అంచనాలు ఏ రేంజ్లో ఉన్నాయో ప్రత్యేకంగా చెప్పక్కర్లేదు. ఇప్పటికే విడుదలైన గ్లింప్స్ , పోస్టర్లు సినిమాపై క్యూరియాసిటీని పెంచేశాయి. ఈ సినిమాలో యష్ డబుల్ రోల్లో కనిపించబోతున్నారనే వార్త ఫ్యాన్స్కు పూనకాలు తెప్పిస్తోంది. తాజాగా ఈ సినిమా ట్రైలర్ విడుదలకు సంబంధించి ఒక ఆసక్తికరమైన అప్డేట్ బయటకు వచ్చింది.
Also Read : Virosh : అభిమానులతో కలిసి భోజనం చేసిన ‘విరోష్’.. విజయ్-రష్మికల సింప్లిసిటీకి నెటిజన్లు ఫిదా!
సమాచారం ప్రకారం.. ‘టాక్సిక్’ ట్రైలర్ను ఈ నెల మార్చి 8న విడుదల చేసేందుకు మేకర్స్ ముహూర్తం ఖరారు చేశారట. ఈ సందర్భంగా బెంగళూరులో ఒక భారీ ఈవెంట్ను నిర్వహించి, అత్యంత వైభవంగా ట్రైలర్ను లాంచ్ చేయాలని ప్లాన్ చేస్తున్నారు. యష్ సరసన నయనతార, కియారా అద్వానీ, హుమా ఖురేషి మరియు రుక్మిణి వసంత్ వంటి స్టార్ హీరోయిన్లు నటిస్తుండటంతో ఈ ట్రైలర్ ఎలా ఉండబోతోందా అని సినీ ప్రియులు ఆత్రుతగా ఎదురుచూస్తున్నారు. రవి బస్రూర్ సంగీతం అందిస్తున్న ఈ చిత్రం కేవీఎన్ ప్రొడక్షన్స్ బ్యానర్పై భారీ బడ్జెట్తో రూపొందుతోంది. అన్ని కార్యక్రమాలను పూర్తి చేసుకుని ఈ నెల మార్చి 19న ‘టాక్సిక్’ ప్రపంచవ్యాప్తంగా థియేటర్లలోకి రానుంది.