Star Vanitha Program Starts From Today on Vanitha TV: ‘వనిత’ టీవీ గురించి ప్రత్యేకంగా చెప్పాల్సిన అవసరం లేదు. మహిళల కోసమే ప్రత్యేకంగా ఏర్పాటైన తొలి తెలుగు చానెల్‌ వనిత టీవీ. పొలిటికల్‌ న్యూస్‌, ఎంటైర్మెనెంట్‌, ఈవెంట్స్, వంటలు, హెల్త్‌ ప్రోగ్రామ్స్‌, కొటిదీపోత్సవం ఇలా ఎన్నో ప్రత్యేక కార్యక్రమాలతో అలరిస్తున్న వనిత టీవీ.. మరో సరికొత్త ప్రోగ్రామ్‌తో మీ ముందుకు వస్తోంది. ఆ ప్రోగ్రామే ‘స్టార్‌ వనిత’ (Star Vanitha Program). మహిళల కోసమే ప్రత్యేకంగా వస్తున్న ఈ స్టార్‌ వనిత ప్రోగ్రామ్‌.. నేటి నుంచి ప్రేక్షకులను అలరించనుంది.
ఆగస్టు 7వ తేదీ నుంచి ‘స్టార్‌ వనిత’ ఎంటైర్‌టైన్‌మెంట్‌ షో వనిత టీవీలో ప్రారంభం కానుంది. సోమవారం నుంచి శుక్రవారం వరకు ప్రతీరోజూ మధ్యాహ్నం 12 గంటలకు ఈ ప్రోగ్రామ్‌ ప్రసారం అవుతుంది. మధ్యాహ్నం మిస్‌ అయిన వారి కోసం తిరిగి రాత్రి 9 గంటలకు ప్రసారం చేయనున్నారు. ఈ ప్రత్యేక షోకు ప్రముఖ యాంకర్‌ శ్యామల (Anchor Syamala) హోస్ట్‌గా వ్యవహరిస్తున్నారు. బుల్లితెర స్క్రీన్, స్టేజ్ పైన యాంకర్‌ శ్యామల ఎంత చురుగ్గా, చలాకీగా ఉంటారో చెప్పాల్సిన అవరం లేదు.
‘స్టార్‌ వనిత ప్రోగ్రామ్‌కు సంబంధించిన ప్రోమోను ఇప్పటికే విడుదల చేయగా.. మంచి రెస్పాన్స్‌ వచ్చింది. ఈ ప్రోగ్రామ్‌లో కొందరు సెలక్ట్‌ చేసిన మహిళలతో పలు రకాల గేమ్స్‌ ఆడిస్తారు. గేమ్స్‌ మాత్రమే కాదు.. పాటలు పాడిస్తారు, డ్యాన్స్‌లు కూడా చేయిస్తారు. అంతే కాదండోయ్ విజేతలకు మంచి బహుమతులు కూడా అందిస్తారు. ఈ ఎంటైర్‌టైన్‌మెంట్‌ ప్రోగ్రామ్‌ చూసేందుకు అందరూ సిద్ధంగా ఉండండి. మధ్యాహ్నం రిమోట్‌ పట్టుకుని రెడీగా ఉండండి.