Facebook: ఫేస్బుక్ లైవ్ పెట్టి.. ఉరేసుకున్న సాఫ్ట్ వేర్ ఉద్యోగిని
Facebook: హైదరాబాద్లో సాఫ్ట్వేర్ ఇంజనీర్ ఆత్మహత్య చేసుకుంది. ఫేస్బుక్ లైవ్ పెట్టి మరీ ఉరేసుకుని చనిపోయింది. సనా అనే మహిళ.. హేమంత్ అనే వ్యక్తిని ప్రేమించి పెళ్లి చేసుకుంది. అయితే తన అత్తమామలు ఆమెను తరచూ వేధించడం మొదలు పెట్టారు. అది చాలదన్నట్టు భర్త హేమంత్ సైతం మరో అమ్మాయికి దగ్గరయ్యాడు. సనా ముస్లిం కాగా ఆమె భర్త హిందువు. హేమంత్ తన కుటుంబ సభ్యుల అనుమతి తీసుకుని మతం మారి సనాను పెళ్లి చేసుకున్నాడు. అంతా బాగానే ఉంది మరి సనా ఎందుకు ఆత్మహత్య చేసుకుంది? హేమంత్కి వేరొకరితో ఉన్న అనుబంధమే సమాధానం. ఈ విషయం హైదరాబాద్లోని నాచారం ప్రాంతానికి చెందిన వారు చెబుతున్నారు. సనాకు మూడేళ్ల కుమారుడు కూడా ఉన్నాడు.
Read Also:Maa Awara Zindagi Review: బిగ్ బాస్ శ్రీహాన్ ‘మా ఆవారా జిందగీ’ రివ్యూ
సనా కుటుంబ సభ్యులు తెలిపిన వివరాల ప్రకారం.. హేమంత్ నాలుగేళ్ల క్రితం తమ ఇంటికి వచ్చాడు. తాను ముస్లింగా మారి సనాను పెళ్లి చేసుకోవాలనుకుంటున్నట్లు తెలిపాడు. అతను తన పేరును కూడా హేమంత్ నుండి షంషేర్ గా మార్చుకున్నాడు. కుటుంబం సభ్యులు చెప్పిన ప్రకారం ఓ ఏడాది పాటు అంతా బాగానే ఉంది. కానీ 5 నెలల నుంచి వేధింపులు భరించి భరించి విసుగు చెందిన సన ఫేస్బుక్లో లైవ్ వీడియో పెట్టి తన బాధనంతా వివరించింది. ఆ తర్వాత ఫ్యాన్కు ఉరి వేసుకుని ఆత్మహత్యకు పాల్పడింది.
Read Also:Posani Krishna Murali: పవన్ ఒకప్పుడు చాలా మంచి వాడు.. మాయలో ఎందుకు పడ్డాడో..!
అతను సోఫీ ఖాన్ అనే అమ్మాయితో ఎఫైర్ ప్రారంభించాడు. అతని దగ్గర సంగీతం నేర్చుకోవడానికి సోఫీ వచ్చేది. సనా అతడిని రెడ్ హ్యాండెడ్గా పట్టుకోవడంతో హేమంత్ ఆమెను మానసికంగా హింసించడం ప్రారంభించాడు. సనా ఆత్మహత్య సమాచారం అందిన వెంటనే పోలీసులు సంఘటనా స్థలానికి చేరుకుని ఆమె మొబైల్ను స్వాధీనం చేసుకున్నారు. సనా ఫోన్లో హేమంత్, సోఫీ ఖాన్లతో ఆమె చేసిన చాట్లపై పోలీసులు విచారణ జరుపుతున్నారు. సమాచారం ప్రకారం సనా హైదరాబాద్లోని హైటెక్ సిటీలో పనిచేసేది. పెళ్లి తర్వాత ఇద్దరూ ఢిల్లీకి వెళ్లిపోయారు. అతను కరోనా సమయంలో తిరిగి వచ్చినప్పుడు, హేమంత్ సోఫీ ఖాన్ అనే అమ్మాయితో ఎఫైర్ ప్రారంభించాడు. ఆ సమయంలో సనా గర్భవతి. సన బిడ్డకు జన్మనిచ్చినప్పుడు హేమంత్ పలకరించేందుకు కూడా రాలేదు. సనా రాజస్థాన్ వెళ్లి తన అత్తమామలతో మాట్లాడిందని, అక్కడ హేమంత్ ఆమెను కొట్టాడని చెబుతున్నారు. ప్రస్తుతం పోలీసులు కేసు నమోదు చేసి దర్యాప్తు ప్రారంభించారు.