Thalapathy Vijay : ఆ ప్రముఖ బ్యానర్ లో విజయ్ నెక్స్ట్ మూవీ ఫిక్స్..?
దళపతి విజయ్ గత ఏడాది ‘లియో’ మూవీతో బ్లాక్ బస్టర్ హిట్ అందుకున్నాడు. స్టార్ డైరెక్టర్ లోకేష్ కనగరాజ్ డైరెక్షన్ లో వచ్చిన ఈ మూవీకి మొదట్లో మిక్స్డ్ టాక్ వచ్చిన కూడా కలెక్షన్స్ పరంగా బ్లాక్ బస్టర్ హిట్ అందుకుంది. ప్రస్తుతం విజయ్ వెంకట్ ప్రభు దర్శకత్వంలో ది గ్రేటేస్ట్ ఆఫ్ ఆల్టైమ్ అనే మూవీ చేస్తున్నాడు.యాక్షన్ ఎంటర్టైనర్గా రూపొందుతోన్న ఈ సినిమాలో విజయ్ డ్యూయల్ రోల్ చేస్తున్నాడు. ది గ్రేటేస్ట్ ఆఫ్ ఆల్టైమ్ మూవీలో మీనాక్షి చౌదరి హీరోయిన్గా నటిస్తోంది. ప్రస్తుతం ఈ సినిమా షూటింగ్ జరుగుతోంది. షూటింగ్ సగం కూడా పూర్తికాకముందే ఈ సినిమా స్ట్రీమింగ్ హక్కులను నెట్ఫ్లిక్స్ రికార్డు ధరకు సొంతం చేసుకున్నది.ఇదిలా ఉంటే విజయ్ మరోసారి తెలుగు ప్రొడ్యూసర్ తో ఓ మూవీకి గ్రీన్సిగ్నల్ ఇచ్చినట్లు కోలీవుడ్ సర్కిల్స్లో ప్రచారం జరుగుతోంది.ఆర్ఆర్ఆర్ ప్రొడ్యూసర్ డీవీవీ దానయ్యతో విజయ్ సినిమా చేయనున్నట్లు సమాచారం.
విజయ్ 69వ మూవీ డీవీవీ ఎంటర్టైన్మెంట్స్ బ్యానర్లో ఈ సినిమా ఫిక్సైనట్లు తెలుస్తుంది.విజయ్, దానయ్య మూవీకి డైరెక్టర్ ఎవరననేది మాత్రం ఆసక్తికరంగా మారింది. ఈ మూవీని డైరెక్ట్ చేయబోతున్నట్లు కోలీవుడ్ మరియు టాలీవుడ్కు చెందిన పలువురు అగ్ర దర్శకుల పేర్లు వినిపిస్తున్నాయి. త్వరలోనే డైరెక్టర్పై ఓ క్లారిటీ రానున్నట్లు సమాచారం.. తమిళం, తెలుగు భాషల్లో బైలింగ్వల్ మూవీగా విజయ్, దానయ్య మూవీ తెరకెక్కబోతున్నట్లు తెలుస్తుంది.దానయ్య మూవీ కోసం దళపతి విజయ్ తన రెమ్యునరేషన్ పెంచినట్లు సమాచారం. ప్రస్తుతం విజయ్ ఒక్కో సినిమా కోసం 120 కోట్ల వరకు రెమ్యునరేషన్ తీసుకుంటున్నారు.. దక్షిణాది హయ్యెస్ట్ రెమ్యునరేషన్ తీసుకుంటున్న హీరోల్లో ఒకరిగా విజయ్ కొనసాగుతున్నారు.. విజయ్కి తెలుగు. మరియు తమిళ భాషల్లో ఉన్న క్రేజ్ను దృష్టిలో పెట్టుకొని దానయ్య రికార్డ్ రెమ్యునరేషన్ను ఆఫర్ చేసినట్లు సమాచారం. ఈ సినిమా కోసం విజయ్ 150 కోట్లు రెమ్యునరేషన్గా స్వీకరించబోతున్నట్లు కోలీవుడ్ సర్కిల్స్లో న్యూస్ తెగ వైరల్ అవుతుంది