NBK : బాలయ్యతో ఊహించని దర్శకుడు.. సెట్ అయితే సెన్సేషనే

టాలీవుడ్ లో ‘మాస్’ అనే పదానికి నిలువెత్తు రూపం నందమూరి బాలకృష్ణ. ఆయన సినిమాలకు సెపరేట్ ఫ్యాన్ బేస్ ఉంటుంది. మరోవైపు ‘బ్రోచేవారెవరురా’, ‘అంటే సుందరానికీ’ మరియు ‘సరిపోదా శనివారం’ వంటి సినిమాలతో తనకంటూ ఒక ప్రత్యేకమైన మేకింగ్ స్టైల్‌ను క్రియేట్ చేసుకున్న దర్శకుడు వివేక్ ఆత్రేయ. ఇప్పుడు వీరిద్దరి కలయికలో ఒక సినిమా రాబోతుందనే వార్త ఫిల్మ్ నగర్ వర్గాల్లో హాట్ టాపిక్‌గా మారింది.

Also Read : Mrunal Thakur : 7 ఏళ్ల ఆశ.. మృణాల్‌ కోరిక తీర్చేదెవరు

సాధారణంగా బాలకృష్ణ సినిమాలు అంటే హై-వోల్టేజ్ యాక్షన్, పవర్‌ఫుల్ డైలాగ్స్ ఉంటాయి. అయితే వివేక్ ఆత్రేయ తన సినిమాల్లో స్క్రీన్ ప్లేను చాలా కొత్తగా, ఇంటెలిజెంట్ గా డిజైన్ చేస్తాడు. అయితే ఈ ఇద్దరి కాంబోలో సినిమా వస్తే ఎలా ఉంటుంది.ప్రస్తుతం అయితే ఆ దిశగా చర్చలు మొదలయ్యాయి. దర్శకుడు వివేక్ ఆత్రేయ ఇప్పటికే బాలయ్య బాడీ లాంగ్వేజ్‌కు తగ్గట్టుగా ఒక పవర్‌ఫుల్ అండ్ యూనిక్ స్క్రిప్ట్‌ను సిద్ధం చేసాడట. ఇటీవల బాలయ్య కు ఆ లైన్ వినిపించారని సమాచారం. ప్రస్తుతం బాలయ్య తన 111వ సినిమాను యంగ్ డైరెక్టర్ గోపీచంద్ మలినేని డైరెక్షన్ లో చేస్తున్నాడు. ఆ తర్వాత వివేక్ ఆత్రేయతో సినిమా ఉండొచ్చని టాలీవుడ్ సర్కిల్స్ లో వినిపిస్తోంది. ఈ సినిమాను మైత్రి మూవీస్ నిర్మించనుంది. అతి త్వరలోనే చిత్ర యూనిట్ నుండి అధికారిక ప్రకటన వచ్చే అవకాశం ఉందని సమాచారం. క్లాస్ అండ్ ఇంటెలిజెంట్ డైరెక్టర్, మాస్ అండ్ ఎనర్జిటిక్ హీరో కలిస్తే బాక్సాఫీస్ వద్ద రికార్డులు తిరగరాయడం ఖాయమని ఫ్యాన్స్ కూడా ఫుల్ ఖుషి అవుతున్నారు. మరోవైపు మలయాళ దర్శకుడితో కూడా బాలయ్య సినిమా ఉండొచ్చనే టాక్ కూడా ఉంది.