Viral Video: విమానంలో అలా ఆడేస్తున్నారేంట్రా బాబు.. తిట్టిపోస్తున్న నెటిజన్స్..!
Viral Video: ఈమధ్య కాలంలో విమానాల్లో ప్రయాణికుల అసభ్య ప్రవర్తన, ఇంకా రకరకాలకు సంబంధిత వీడియోలు సామాజిక మాధ్యమాల్లో తరచూ వైరల్ అవుతున్నాయి. విమానంలో ప్రయాణిస్తున్న కొంతమంది తగిన నియమ నిబంధనలను పాటించకపోవడం, ఇతర ప్రయాణికులను అసౌకర్యానికి గురిచేయడం, అంతేకాకుండా సిబ్బందిని నిర్లక్ష్యంగా పరిగణించడం వంటి ఉదంతాలు తరచూ చూస్తున్నాం. తాజాగా, ఇలాంటి మరొక వీడియో వైరల్ అవుతూ తీవ్ర విమర్శలకు కారణమవుతోంది.
Read Also: Anaya Bangar: “నేను మహిళల క్రికెట్కి అర్హురాలిని” ట్రాన్స్ ఉమెన్ అనయ బంగార్ సంచలనం..!
తాజాగా సోషల్ మీడియాలో వైరల్ గా మారిన వీడియోలో ఓ నలుగురు ప్రయాణికులు విమానంలో గాల్లో ప్రయాణిస్తూనే కార్డులు ఆడుతూ కనిపించారు. అది కూడా ఎలా అంటే, వారు నాలుగు సీట్ల మధ్య ఓ గుడ్డను నాలుగు మూలలను సీట్స్ దెగ్గర బంధించి, విమానం మధ్యలో ఉన్న దారిని పూర్తిగా బ్లాక్ చేశారు. ఈ ఘటన జరిగి కొన్ని రోజులు గడుస్తున్నా ఇప్పుడిప్పుడే వైరల్ అవుతోంది. ఇక ఈ వీడియో చూసిన నెటిజన్స్ ఆ వ్యక్తులపై తీవ్ర స్థాయిలో ఆగ్రహం వ్యక్తం చేస్తున్నారు.
Read Also: Israel Iran War: ఇరాన్ సుప్రీం లీడర్ ఖమేనీని చంపేస్తాం.. ఇజ్రాయిల్ వార్నింగ్..
ఇతర ప్రయాణికుల పట్ల ఎంత నిర్లక్ష్యంగా ప్రవర్తిస్తున్నారు.. ఎవరికైనా రెస్ట్ రూమ్ అవసరం పడితే ఎలా? ఇలాంటి ప్రవర్తనా? అవసరమా అంటూ కొందరు కామెంట్ చేస్తున్నారు. మరికొందరేమో.. వీళ్లను ఆపేందుకు విమానంలో ఎవ్వరూ లేరా? ఇతర ప్రయాణికులెవరూ వారిపై కంప్లైంట్ చేయలేదా అంటూ ప్రశ్నించారు.