వినేష్ ఫోగట్ తన ఆటతో విజృంభించింది. తగ్గేదేలే అంటూ తన సత్తా ఏంటో చూపించింది. ప్రత్యర్థిని తన నైపుణ్యంతో కట్టడి చేసింది. దీంతో ట్రయల్స్లో విజయం సాధించి అజేయంగా నిలిచింది. ఇందుకు సంబంధించిన వీడియో ఇప్పుడు వైరల్ అవుతోంది.
వినేష్ ఫోగట్.. హర్యానాకు చెందిన జ్యోతిపై మొదటి బౌట్లో 7-1 తేడాతో విజయం సాధించగా.. రెండవ బౌట్లో 7-6 తేడాతో హర్యానాకు చెందిన నిషుపై విజయం సాధించింది. ట్రయల్స్లో గెలిచిన జట్టు ఈ ఏడాది చివర్లో జరిగే ఆసియా క్రీడల్లో భారతదేశానికి ప్రాతినిధ్యం వహించే అర్హతను పొందుతుంది.
ఆసియా క్రీడల కోసం భారత జట్టులో స్థానం సంపాదించే తన ప్రస్థానాన్ని వినేష్ ఫోగట్ శనివారం అద్భుతంగా ప్రారంభించింది. శనివారం సెలక్షన్ ట్రయల్స్లో తన తొలి బౌట్లో జ్యోతిని 7-1 తేడాతో ఓడించింది. వినేష్ ఆరంభంలో జాగ్రత్తగా ఉంటూ ఎక్కువగా నిలబడి కుస్తీ పట్టింది. కానీ పోరాటం సాగేకొద్దీ ఆమె తన ఎత్తుగడలను సునాయాసంగా వేసింది. కౌంటర్లో ఒక పుష్ పాయింట్తో ప్రారంభించి.. వెంటనే డబుల్ లెగ్ అటాక్కు దిగింది. కానీ ఎలాంటి పాయింట్లు రాలేదు. రెండవ పీరియడ్ ప్రారంభంలో ఆమెపై సమయ పరిమితి విధించబడింది. అప్పటి నుంచి ఆమె ఆధిపత్యం చెలాయించడం మొదలుపెట్టింది. కుడి కాలు దాడిని టేక్ డౌన్ మూవ్గా మార్చి 3-0 ఆధిక్యంలోకి వెళ్లింది. జ్యోతి కూడా తీవ్రంగా కాలు దాడి చేయగా.. వినేష్ తన పూర్తి బలాన్ని ఉపయోగించి ఆ ప్రయత్నాన్ని విఫలం చేసింది. దీంతో వినేష్ వేగంగా రెండు ఎత్తులు వేసి స్కోరును పెంచేసింది.
Vinesh Phogat won her first bout against Jyoti from Haryana by 7-1 https://t.co/vx7OZ6qhTx
— ANI (@ANI) May 30, 2026