రీసెంట్గా కోలీవుడ్ స్టార్ కపుల్ విజయ్-సంగీత తమ 30 ఏళ్ల వివాహ బంధానికి ముగింపు పలకబోతున్నారనే వార్త ఇండస్ట్రీని షేక్ చేస్తోంది. సంగీత కోర్టులో విడాకుల పిటిషన్ దాఖలు చేస్తూ, విజయ్కు ఒక నటితో ఉన్న సంబంధమే దీనికి కారణమని ఆరోపించడం పెద్ద దుమారం రేపింది. మరి ఇంతకి ఆ నటి ఎవరనేది అధికారికంగా తెలియకపోయినా, నెటిజన్లు మాత్రం త్రిష వైపు వేలెత్తి చూపిస్తున్నారు. ఈ క్రమంలో త్రిష గతంలో పెళ్లిపై చేసిన వ్యాఖ్యలు మళ్లీ చర్చనీయాంశమయ్యాయి.
Also Read : Krrish-4 : ‘క్రిష్ 4’ విషయంలో హృతిక్ రోషన్ షాకింగ్ నిర్ణయం..
గతంలో వీరిద్దరూ కలిసి విదేశీ పర్యటనలకు వెళ్లిన ఫోటోలు, ‘గిల్లి’, ‘తిరుప్పాచ్చి’ వంటి సినిమాల సమయంలో వీరి మధ్య ఉన్న చొరవను గుర్తు చేస్తూ నెటిజన్లు త్రిష పేరును ట్రెండ్ చేస్తున్నారు. అయితే ఈ పుకార్లపై అటు విజయ్ గానీ, ఇటు త్రిష గానీ ఇప్పటివరకు స్పందించలేదు.ఈ వివాదం నడుస్తుండగానే త్రిష పాత ఇంటర్వ్యూ ఒకటి బయటకు వచ్చింది. అందులో ఆమె తన వ్యక్తిగత జీవితంపై ఆసక్తికర వ్యాఖ్యలు చేశారు. ‘సరైన వ్యాక్తి దొరికితేనే పెళ్లి చేసుకుంటాను నచ్చిన వ్యాక్తి దొరకపోతే పెళ్లి జరగకపోయినా నాకు అభ్యంతరం లేదు. నేను పెళ్లి చేసుకుంటే విడాకుల కోసం వెళ్లాలనుకోవడం లేదు. అందుకే తొందరపడి నిర్ణయం తీసుకోను. ప్రేమలో పడాలని లేదు కానీ, నాకు జీవిత భాగస్వామి కావాలి. నచ్చిన వాడితో నా జీవితాన్ని పంచుకోవాలి’ అని ఆమె స్పష్టం చేశారు. అంతే కాదు’ అని తెలిపారు. ఇష్టం లేని వ్యక్తితో కలిసి నరకం అనుభవించడం కంటే ఒంటరిగా ఉండటమే మంచిదని ఆమె తన స్నేహితుల జీవితాలను ఉదాహరణగా చెప్పారు.