Vijay Personal Life Controversy: మళ్లీ తెర పైకి విజయ్ వ్యక్తిగత జీవితం.. 27 ఏళ్ల తర్వాత విడాకులు తీసుకుంటాడా..?

Vijay Personal Life Controversy: తమిళనాడు అసెంబ్లీ ఎన్నికల ఫలితాలతో రాజకీయాలు వేడెక్కుతున్న తరుణంలో, సూపర్ స్టార్ విజయ్‌ వ్యక్తిగత జీవితం మరోసారి వార్తల్లో నిలిచింది. ఆయన భార్య సంగీతతో విభేదాలు, అలాగే హీరోయిన్ త్రిష కృష్ణన్‌తో సంబంధం ఉన్నట్టు వస్తున్న వార్తలు తీవ్ర చర్చకు దారి తీస్తున్నాయి. ఇటీవల వెలువడుతున్న నివేదికల ప్రకారం, విజయ్ – సంగీత దాంపత్య జీవితంలో విభేదాలు నెలకొన్నట్లు ప్రచారం జరుగుతోంది. దాదాపు 27 సంవత్సరాల పాటు కొనసాగిన ఈ వివాహ బంధం ఇప్పుడు విరగబోతోందనే వార్తలు వినిపిస్తున్నాయి. వీరిద్దరికీ ఇద్దరు పిల్లలు ఉన్నారు. విడాకుల ప్రక్రియ కొనసాగుతోందని, పరస్పర ఆరోపణలు ఉన్నాయని కూడా ప్రచారం జరుగుతోంది.

సంగీత, విజయ్‌పై వివాహేతర సంబంధం ఆరోపణలు చేయగా, తనపై మానసిక ఒత్తిడి కలిగించాడని ఆరోపించినట్టు సమాచారం. అయితే, ఈ ఆరోపణలపై విజయ్ లేదా ఆయన కుటుంబం నుంచి అధికారిక ప్రకటన వెలువడలేదు. ఇక, కొంతకాలంగా విజయ్ పేరు త్రిషాతో ముడిపడుతోంది. ఇద్దరూ కలిసి అనేక విజయవంతమైన చిత్రాల్లో నటించారు. ‘గిల్లి’, ‘తిరుపాచి’, ‘ఆతి’, ‘కురువి’, ‘లియో’ వంటి సినిమాల్లో వీరి జంట ప్రేక్షకులను ఆకట్టుకుంది. అయితే, ఈ సంబంధంపై ఇద్దరూ ఎప్పుడూ స్పష్టత ఇవ్వలేదు.

విజయ్ వ్యక్తిగత జీవితంపై వస్తున్న ఈ వార్తలు సోషల్ మీడియాలో పెద్ద ఎత్తున చర్చకు దారి తీస్తున్నాయి. కొంతమంది ఈ వార్తలను ఖండిస్తుండగా, మరికొందరు ఇవి నిజమే కావచ్చని భావిస్తున్నారు. ముఖ్యంగా తమిళనాడు అసెంబ్లీ ఎన్నికల నేపథ్యంలో ఈ అంశం మరింత హాట్ టాపిక్‌గా మారింది. విజయ్-సంగీత ప్రేమ కథ కూడా అప్పట్లో ఎంతో ఆసక్తికరంగా నిలిచింది. 1999లో వీరు వివాహం చేసుకున్నారు. సంగీత విజయ్ అభిమానిగా లండన్ నుంచి వచ్చి కలిసిన తర్వాత వారి పరిచయం ప్రేమగా మారి పెళ్లి వరకు వెళ్లింది. కానీ ఇప్పుడు అదే బంధం సంక్షోభంలో పడిందనే వార్తలు అభిమానులను కలవరపెడుతున్నాయి.

ఇదిలా ఉండగా, ఎన్నికల తర్వాత విజయ్-త్రిషా వివాహం చేసుకుంటారనే ఊహాగానాలు కూడా వినిపిస్తున్నాయి. అయితే ఈ వార్తలపై ఎలాంటి అధికారిక ధృవీకరణ లేదు. మొత్తంగా, విజయ్ వ్యక్తిగత జీవితం చుట్టూ తిరుగుతున్న ఈ వార్తలు ఎంతవరకు నిజమో తెలియాల్సి ఉంది. అధికారిక ప్రకటన వచ్చే వరకు ఇవి కేవలం ఊహాగానాలుగానే భావించాల్సి ఉంటుంది. మరోవైపు.. తమిళనాడు అసెంబ్లీ ఎన్నికల ఫలితాల వెలువడే రోజు ఉదయమే తిరుమల వచ్చి కలియుగ ప్రత్యక్షదైవం వేంకటేశ్వరస్వామిని దర్శించుకున్నారు త్రిష.. అయితే, విజయ్‌ గెలుపుకోసమే త్రిష తిరుమలకు వచ్చారనే ప్రచారం సాగుతోంది.. అయితే, ఈ రోజు త్రిష కృష్ణన్‌ పుట్టిన రోజు కావడంతోనే ఆమె తిరుమలకు వచ్చారని ఆమె ఫ్యాన్స్‌ చెబుతున్న మాట.. తమిళనాడు అసెంబ్లీ ఎన్నికల ఫలితాల్లో టీవీకే మెజార్టీ స్థానాల్లో విజయం దిశగా అడుగువేస్తోన్న సమయంలో.. మరోసారి విజయ్‌ వ్యక్తిగత జీవితం తెరపైకి వచ్చింది..