Vey Dharuvey OTT: ఓటీటీలోకి రాబోతున్న మాస్ యాక్షన్ మూవీ.. స్ట్రీమింగ్ ఎప్పుడంటే?

ప్రముఖ తెలుగు డైరెక్టర్ పూరి జగన్నాథ్ సోదరుడు సాయిరాం శంకర్ గురించి అందరికీ తెలుసు.. పలు సినిమాల్లో నటించి మంచి గుర్తుంపు తెచ్చుకున్నాడు. నటుడుగా మార్కులు పడ్డాయి కానీ సరైన హిట్ సినిమా పడలేదు.. దాంతో ఈ హీరో చాలా కాలం గ్యాప్ తీసుకొని కథల ఎంపిక విషయంలో జాగ్రత్తలు తీసుకుంటూ కొత్త సినిమాతో ప్రేక్షకుల ముందుకు వచ్చేశాడు.. యాక్షన్ మాస్ ఎంటర్‌టైనర్‌గా తెరకెక్కిన వెయ్ దరువెయ్ సినిమాలో నటించాడు.. ఆ సినిమా మార్చి 15 న విడుదలైంది..

చాలాకాలం గ్యాప్ తీసుకొని వచ్చిన ఈ సినిమా కూడా ఆశించినస్థాయిలో ఫలితాలను అందుకోలేక పోయింది.. ఓ మాదిరిగా ప్రేక్షకులను అలరించిందనే చెప్పాలి.. సునీల్‌, సత్యంరాజేష్ కీలక పాత్రలు పోషించారు. ఫేక్ సర్టిఫికెట్స్‌తో ఉద్యోగాలు పొందాలని భావించి అడ్డదారులు తొక్కుతున్న యువత ఎలా కష్టాల పాలవుతున్నారనే విషయాన్ని హైలెట్ చేస్తూ ఈ సినిమాలో చూపించారు.. పాయింట్ బాగానే ఉన్నా కూడా సినిమా జనాలకు అంతగా రీచ్ అవ్వలేక పోయింది..

ఈ సినిమా విడుదలైన మూడు వారాలకే ఓటీటీలో విడుదల కాబోతుందని వార్తలు వినిపిస్తున్నాయి.. ఈ మూవీ ఓటీటీ హక్కులను ప్రముఖ ఓటీటీ ప్లాట్‌ఫామ్ అమెజాన్ ప్రైమ్ వీడియో దక్కించుకున్నట్లు తెలిసింది. ఏప్రిల్ 12 నుంచి ఈ మాస్ యాక్షన్ మూవీ అమెజాన్ ప్రైమ్‌లో స్ట్రీమింగ్ కానుందని సమాచారం.. దీనిపై త్వరలోనే అధికార ప్రకటన రాబోతుందని సమాచారం..