Varun Tej: మెగా ఫ్యామిలీలో విషాదం నెలకొంది. టాలీవుడ్ యంగ్ హీరో వరుణ్ తేజ్ షూటింగ్కు ముందు జరుగుతున్న ప్రాక్టీస్ సెషన్లో తీవ్రంగా గాయపడ్డారు. తన తదుపరి బరి సినిమా కోసం సిద్ధమవుతుండగా ఈ అనుకోని సంఘటన చోటుచేసుకుంది. ప్రస్తుతం ఆయన ఆసుపత్రిలో చికిత్స పొందుతున్నారు. తన అప్ కమింగ్ మూవీ బరి కోసం వరుణ్ గత కొన్ని రోజులుగా కఠినమైన శిక్షణ తీసుకుంటున్నారు. ఈ సినిమాలో వాలీబాల్ ప్లేయర్గా కనిపించనున్న ఆయన, అందులో పట్టు సాధించేందుకు ప్రాక్టీస్ చేస్తుండగా అకస్మాత్తుగా మోకాలికి తీవ్రమైన ఫ్రాక్చర్ అయ్యింది. ఈ మేరకు ఉదయం నుంచి సోషల్ మీడియాలో పెద్ద ఎత్తున ప్రచారం జరుగుతోంది. అయితే ఈ విషయంలో అపోహలకు తావివ్వకూడదు అనే ఉద్దేశంతో ఈ విషయాన్ని వరుణ్ తేజ్ సోదరి, నటి నిహారిక కొణిదెల అధికారికంగా ధృవీకరించారు.
144Hz AMOLED డిస్ప్లే, 9020mAh బ్యాటరీ, IP68/IP69 రేటింగ్తో VIVO T5 Pro 5G లాంచ్.. ధర ఎంతంటే.?
తన సోదరుడి ఆరోగ్య పరిస్థితిపై సోషల్ మీడియా వేదికగా ఒక నోట్ విడుదల చేశారు. “మా అన్నయ్య వరుణ్ తేజ్ బరి సినిమా కోసం వాలీబాల్ ప్రాక్టీస్ చేస్తుండగా మోకాలికి తీవ్రమైన గాయమైంది. వెంటనే ఆయన్ని ఆసుపత్రికి తరలించాము. వైద్యులు మోకాలికి సర్జరీ నిర్వహించారు, ప్రస్తుతం ఆపరేషన్ విజయవంతంగా పూర్తయింది.” అని నిహారిక పేర్కొన్నారు. ప్రస్తుతం వరుణ్ తేజ్ వైద్యుల పర్యవేక్షణలో విశ్రాంతి తీసుకుంటున్నారు. ఇక సర్జరీ సక్సెస్ కావడంతో మెగా అభిమానులు ఊపిరి పీల్చుకున్నారు, ఆయన త్వరగా కోలుకుని, మళ్ళీ పూర్తి శక్తితో వెండితెరపై కనిపిస్తారని కుటుంబ సభ్యులు ఆశాభావం వ్యక్తం చేశారు. కష్టకాలంలో తమ కుటుంబానికి అండగా నిలిచిన అభిమానులకు, శ్రేయోభిలాషులకు నిహారిక ఈ సందర్భంగా కృతజ్ఞతలు తెలిపారు.
Tollywood: ఆ హీరో సినిమాకి బ్రేకులు.. తెర వెనుక అసలేం జరుగుతోంది?