పవర్ స్టార్ పవన్ కళ్యాణ్, మాస్ డైరెక్టర్ హరీష్ శంకర్ కాంబినేషన్ అంటేనే బాక్సాఫీస్ వద్ద ఒక సెన్సేషన్, ఎందుకంటే గతంలో వీరిద్దరి కలయికలో వచ్చిన ‘గబ్బర్ సింగ్’ సృష్టించిన ప్రభంజనం అంతా ఇంతా కాదు. ఇప్పుడు మళ్ళీ అదే మేజిక్ రిపీట్ చేసేందుకు ‘ఉస్తాద్ భగత్ సింగ్’ సిద్ధమవుతోంది. ముఖ్యంగా ఈ సినిమాలో అభిమానులు ఎంతగానో ఎదురుచూస్తున్న ఒక స్పెషల్ ఎపిసోడ్ గురించి ఆసక్తికరమైన వార్తలు వినిపిస్తున్నాయి. నిజానికి ‘గబ్బర్ సింగ్’ సినిమాలో అంత్యాక్షరి సీన్ ఒక ట్రెండ్ సెట్టర్. పోలీస్ స్టేషన్లో రౌడీలతో హీరో చేయించిన ఆ హంగామా థియేటర్లను ఊపేసింది. ఆ తర్వాత ఎంతో మంది దర్శకులు అదే ప్యాటర్న్ను ఫాలో అయినప్పటికీ, హరీష్ శంకర్ క్రియేట్ చేసిన ఆ ఇంపాక్ట్ను ఎవరూ అందుకోలేకపోయారు. అయితే తాజాగా ‘ఉస్తాద్ భగత్ సింగ్’ కోసం హరీష్ శంకర్ ఆ అంత్యాక్షరి ఎపిసోడ్కు ఒక మోడ్రన్ టచ్ ఇచ్చి, సరికొత్తగా డిజైన్ చేసినట్లు తెలుస్తోంది.
Also Read:Couple Friendly: ప్రభాస్ పుష్ గట్టిగా పని చేసినట్టుందే!
ఈసారి కేవలం పాటలు, డ్యాన్సులతోనే సరిపెట్టకుండా.. వినోదంతో పాటు మరిన్ని సర్ప్రైజింగ్ ఎలిమెంట్స్ ఉండబోతున్నాయి. పాత మ్యాజిక్ను రిపీట్ చేయడం హరీష్ శంకర్కే పెద్ద సవాల్ అయినప్పటికీ, ఈసారి అంతకు మించి ఉండేలా పక్కాగా ప్లాన్ చేశారట. పవన్ కళ్యాణ్ బాడీ లాంగ్వేజ్కు తగ్గట్టుగా, వింటేజ్ పవన్ కళ్యాణ్ను గుర్తు చేసేలా ఈ సీన్ ఉండబోతోందని సమాచారం. అయితే ఒక ట్రెండ్ సెట్టర్ను మళ్ళీ అదే స్థాయిలో ఆవిష్కరించడం కత్తి మీద సామే. కానీ, హరీష్ శంకర్కు పవన్ కళ్యాణ్ మేనరిజమ్స్ మీద పూర్తి పట్టు ఉంది. ‘గబ్బర్ సింగ్’లో ఆ సీన్ ఎంత నేచురల్గా పండిందో, ‘ఉస్తాద్ భగత్ సింగ్’లో కూడా అదే స్థాయి వినోదాన్ని పండించేందుకు చిత్ర యూనిట్ శ్రమిస్తోంది. ఈ ఎపిసోడ్ కనక వర్కవుట్ అయితే, థియేటర్లు మరోసారి బ్లాస్ట్ కావడం ఖాయం. సినిమాపై ఇప్పటికే భారీ అంచనాలు ఉండగా, ఈ తాజా అప్డేట్ మెగా అభిమానుల్లో పూనకాలు తెప్పిస్తోంది. ఈసారి భగత్ సింగ్ అంత్యాక్షరితో ఎలా ఎంటర్టైన్ చేస్తారో చూడాలి!