Union Bank Jobs 2024: యూనియన్ బ్యాంక్ లో ఉద్యోగాలు.. అర్హతలు ఏంటంటే?

బ్యాంక్ జాబ్స్ కోసం వెయిట్ చేస్తున్నారా? అయితే మీకో అదిరిపోయే గుడ్ న్యూస్.. తాజాగా ప్రముఖ బ్యాంక్ యూనియన్ బ్యాంక్ పలు ఉద్యోగాలను భర్తీ చేసేందుకు నోటిఫికేషన్ ను విడుదల చేశారు.. ఈ నోటిఫికేషన్ ప్రకారం.. మొత్తం 606 స్పెషలిస్ట్‌ ఆఫీసర్‌ పోస్టుల భర్తీ చెయ్యనున్నారు.. ఈ పోస్టుల గురించి పూర్తి వివరాలను తెలుసుకుందాం..

పోస్టుల వివరాలు..

మొత్తం 606 స్పెషలిస్ట్‌ ఆఫీసర్‌ పోస్ట్‌లను భర్తీ చేయనుంది. ఆయా పోస్ట్‌లను బట్టి.. వీటిని జేఎంజీఎస్‌-1, ఎంఎంజీఎస్‌-2,3; ఎస్‌ఎంజీఎస్‌-4 గ్రేడ్‌లుగా వర్గీకరించారు..

అర్హతలు..

సంబంధిత విభాగంలో బీఎస్సీ, ఎంఎస్సీ, బీఈ/బీటెక్, ఎంఈ/ఎంటెక్, ఎంబీఏ, పీజీడీఎం, ఎంసీఏ, సీఏ, ఐసీడబ్ల్యూఏ, సీఏ, సీఎంఏ, సీఎఫ్‌ఏ తదితర అర్హతలతోపాటు అనుభవం ఉండాలి..

వయసు..

ఫిబ్రవరి 1, 2024నాటికి చీఫ్‌ మేనేజర్‌ పోస్ట్‌లకు 30-45 ఏళ్లు; ఐటీ సీనియర్‌ మేనేజర్‌ పోస్ట్‌లకు 28 -38 ఏళ్లు; సీనియర్‌ మేనేజర్‌ (సీఏ, రిస్క్‌), మేనేజర్‌ పోస్ట్‌లకు 25-35 ఏళ్లు ఒక్కో పోస్టుకు ఒక్కో ఏజ్ లిమిట్..

ఎంపిక ప్రక్రియ..

స్పెషలిస్ట్‌ ఆఫీసర్‌ పోస్ట్‌ల భర్తీకి మూడంచెల ఎంపిక విధానాన్ని అనుసరిస్తారు. తొలుత రాత పరీక్ష నిర్వహిస్తారు. ఆ తర్వాత గ్రూప్‌ డిస్కషన్, పర్సనల్‌ ఇంటర్వ్యూలు ఉంటాయి..

జీతం..

చీఫ్‌ మేనేజర్‌ పోస్ట్‌లకు ఎస్‌ఎంజీఎస్‌-4 హోదాలో రూ.76,010-రూ.­89,890; సీనియర్‌ మేనేజర్‌ పోస్ట్‌లకు ఎంఎంజీఎస్‌-3 హోదాలో రూ. 63,840-రూ.78,230 ఉంటుంది..

ముఖ్యమైన సమాచారం..

దరఖాస్తు విధానం: ఆన్‌లైన్‌లో దరఖాస్తు చేసుకోవాలి.
ఆన్‌లైన్‌ దరఖాస్తు చివరి తేదీ: 2024,ఫిబ్రవరి 23
రాత పరీక్ష తేదీ: మార్చి/ఏప్రిల్‌లో నిర్వహించే అవకాశం
తెలుగు రాష్ట్రాల్లో పరీక్ష కేంద్రాలు: హైదరాబాద్‌
పూర్తి వివరాలకు వెబ్‌సైట్‌: https://www.unionbankofindia.co.in/english/ ఏదైనా సందేహాలు ఉంటే ఈ వెబ్ సైట్ లో చూడవచ్చు..