అమెరికాకు వెళ్లి డాలర్లు సంపాదించాలని చాలా మంది కలలుకంటుంటారు. అయితే ఇటీవల అమెరికా అధ్యక్షుడు డొనాల్డ్ ట్రంప్ తీసుకుంటున్న నిర్ణయాలు వారి ఆశలను ఆవిరి చేస్తున్నాయి. ఇప్పుడు మరో బాంబ్ పేల్చారు. విదేశీ ట్రక్ డ్రైవర్లకు కమర్షియల్ లైసెన్సులు ఇవ్వడాన్ని అమెరికా తక్షణమే నిషేధించింది. ఉపాధి కోసం అమెరికాకు వెళ్లే భారత్ లోని నిరుద్యోగ యువతకు ఇది విచారకరమైన వార్త. భారతదేశంతో పోల్చి చూస్తే, అమెరికాలో ట్రక్ డ్రైవర్ వృత్తి గౌరవనీయమైనదిగా, ఎక్కువ సంపాదనతో కూడుకున్నదిగా పరిగణిస్తారు. అమెరికాలో ట్రక్ డ్రైవర్ జీవితం చాలా సురక్షితమైనది. భారతదేశానికి చెందిన చాలా మంది యువత అక్కడికి వెళ్లి ట్రక్కులు నడుపుతున్నారు.
Also Read:Gharana Mogudu : ‘ఘరానా మొగుడు’ మూవీకి చిరు రికార్డ్ రెమ్యునరేషన్..
కానీ విదేశాల్లో మంచి జీవితం గడపాలనే ఈ కల కలగానే మిగిలిపోనుంది. అమెరికా విదేశాంగ కార్యదర్శి మార్కో రూబియో మాట్లాడుతూ, వాణిజ్య ట్రక్ డ్రైవర్లకు అన్ని రకాల వర్కర్ వీసాల జారీని తక్షణమే నిషేధిస్తున్నామని తెలిపారు. “అమెరికన్ రోడ్లపై పెద్ద ట్రాక్టర్-ట్రైలర్ ట్రక్కులను నడుపుతున్న విదేశీ డ్రైవర్ల సంఖ్య పెరుగుతుండటం అమెరికన్ జీవితాలను ప్రమాదంలో పడేస్తోంది. అమెరికన్ ట్రక్ డ్రైవర్ల జీవనోపాధిని ప్రభావితం చేస్తోంది” అని ఆయన వెల్లడించారు.
విదేశీ ట్రక్ డ్రైవర్లకు వాణిజ్య లైసెన్సులపై నిషేధం విధించడానికి తక్షణ కారణం భారతీయ ట్రక్ డ్రైవర్ ప్రమాదమని భావిస్తున్నారు. హర్జిందర్ సింగ్ భారత సంతతికి చెందిన ట్రక్ డ్రైవర్. అతను సెప్టెంబర్ 2018లో అమెరికా -మెక్సికో సరిహద్దును అక్రమంగా దాటి కాలిఫోర్నియాలోకి ప్రవేశించాడు. 2021లో, బైడెన్ ప్రభుత్వం అతనికి కాలిఫోర్నియాలో వర్క్ పర్మిట్, కమర్షియల్ డ్రైవింగ్ లైసెన్స్ ఇచ్చింది. ఆగస్టు 12, 2025న, హర్జిందర్ ఫ్లోరిడా టర్న్పైక్పై రాంగ్ యు-టర్న్ తీసుకున్నాడని ఆరోపించారు. ఈ సమయంలో, ఒక మినీవ్యాన్ అతని ట్రక్కును ఢీకొట్టడంతో ముగ్గురు మరణించారు. దీంతో హర్జిందర్ సింగ్ను అరెస్టు చేశారు. ఈ సంఘటన అమెరికాకు అక్రమ వలసలు, ట్రక్కింగ్ పరిశ్రమలో డ్రైవర్ల కోసం స్క్రీనింగ్ ప్రక్రియ గురించి చర్చకు దారితీసింది.
Also Read:YSRCP: బుడ్డా రాజశేఖర్రెడ్డిపై అట్రాసిటీ కేసు పెట్టాలి.. వైసీపీ డిమాండ్
అమెరికాలో ట్రక్ డ్రైవర్ల జీతం
అమెరికాలో ట్రక్ డ్రైవర్లకు వారి అనుభవం, పని గంటలు, వారి సామర్థ్యం ఆధారంగా జీతాలు చెల్లిస్తారు. యూఎస్ లో చాలా మంది ట్రక్ డ్రైవర్లకు మైలు ఆధారంగా జీతం లభిస్తుంది. మైలుకు $0.6 నుంచి $0.7 వరకు ఉంటుంది. రోజుకు 500-600 మైళ్లు నడిపే డ్రైవర్ నెలకు $5,000 నుంచి $8,000 అంటే నెలకు దాదాపు రూ.4.2 లక్షల నుంచి రూ.6.7 లక్షల వరకు సంపాదించవచ్చు. కొంతమంది డ్రైవర్లకు గంట ప్రాతిపదికన జీతం లభిస్తుంది. ఇది సగటున రూ.1,680 నుంచి రూ.2,520 వరకు ఉంటుంది. ఇది అనుభవం, కంపెనీని బట్టి మారుతుంది. 2023 లో అమెరికాలో ట్రక్ డ్రైవర్ల సగటు వార్షిక జీతం దాదాపు రూ.40 లక్షలు అని చెబుతున్నారు.
Effective immediately we are pausing all issuance of worker visas for commercial truck drivers.
The increasing number of foreign drivers operating large tractor-trailer trucks on U.S. roads is endangering American lives and undercutting the livelihoods of American truckers.
— Secretary Marco Rubio (@SecRubio) August 21, 2025
