Earthquakes: జపాన్‌ తీరానికి సమీపంలో వరుసగా రెండు భూకంపాలు

Two earthquakes struck near the Japan coast in quick succession: జపాన్‌ను మరోసారి భూకంపాలు భయపెట్టాయి. జపాన్ తీరానికి సమీపంలో వరుసగా రెండు భూకంపాలు సంభవించాయి. యునైటెడ్ స్టేట్స్ జియోలాజికల్ సర్వే ప్రకారం, గురువారం జపాన్ తీరానికి సమీపంలో 6.5, 5.0 తీవ్రతతో రెండు భూకంపాలు సంభవించాయి. కురిల్ దీవుల తీరంలో మధ్యాహ్నం 2:45 గంటలకు 6.5 తీవ్రతతో మొదటి భూకంపం సంభవించగా, రెండవది కొన్ని నిమిషాల తర్వాత మధ్యాహ్నం 3:07 గంటలకు సంభవించింది. భూకంపం సంభవించిన వెంటనే స్థానికులు తీవ్ర భయాందోళనలకు గురయ్యారు. రోడ్ల మీదికి పరుగులు పెట్టారు. ఈ భూకంపం వల్ల ప్రాణ, ఆస్తి నష్టం సంభవించినట్లు ఇప్పటివరకు అధికారికంగా ఎలాంటి సమాచారం అందలేదు.

Read Also: Bus Accident: 13 మందిని బలిగొన్న ఫిట్‌నెస్ లేని బస్సు.. బీజేపీ నేతకు చెందినదిగా గుర్తింపు

జపాన్‌లో తరచూ భూకంపాలు సంభవిస్తుంటాయి. రింగ్ ఆఫ్ ఫైర్‌ పరిధిలో ఉండే దేశాల్లో ఇదీ ఒకటి. బొలీవియా, చిలీ, ఈక్వెడార్, పెరూ, కోస్టారికా, గ్వాటెమాల, మెక్సికో, అమెరికా, కెనడా, రష్యా, జపాన్, ఫిలిప్పీన్స్, ఆస్ట్రేలియా, పాపువా న్యూగినియా, ఇండోనేషియా, న్యూజిలాండ్, అంటార్కిటికా- ఈ రింగ్ ఆఫ్ ఫైర్‌లో ఉన్నాయి.