Transgender Heroine: హీరోయిన్ గా ట్రాన్స్జెండర్.. హీరో ఎవరంటే?
ఈరోజుల్లో జనాలు కొత్తదనాన్ని కోరుకుంటున్నారు.. అందుకే సినీ దర్శక, నిర్మాతలు కూడా కొత్తగా చూపించాలని విశ్వ ప్రయత్నాలు చేస్తున్నారు.. సినిమా లో ఏదైనా కొత్తదనం ఉందనిపిస్తే తప్ప పెద్ద స్టార్ హీరో సినిమా అయినా కానీ దాని వైపు చూడటం లేదు.. ఈ మధ్య వస్తున్న సినిమాలకు భిన్నంగా ఓ సినిమా ను తెరకేక్కిస్తున్నారు.. ఆ సినిమా గురించి తెలిసి కొందరు ఆశ్చర్యం వ్యక్తం చేస్తే.. మరి కొందరు మాత్రం ఇలాంటి సినిమా అవసరమా అంటున్నారు.. ఆ సినిమా గురించి మరిన్ని వివరాలను తెలుసుకుందాం…
ఎవరు ఊహించని విధంగా ఒక సినిమాలో ట్రాన్సజెండర్ ను హీరోయిన్ గా తీసుకున్నారు. ఇది ఎక్కడో కాదు కన్నడ పరిశ్రమలో జరిగిన ఈ సంఘటన దేశ వ్యాప్తంగా వైరల్ అవుతుంది. ఆ సినిమా పేరు మిస్టర్ అండ్ మిసెస్ మన్మథ.. ఈ సినిమా కోసం ఏకంగా ఆరుగురు హీరోయిన్స్ ను సెలెక్ట్ చేశారు. అందులో వైశాలి అనే ట్రాన్సజెండర్ కూడా ఒకరు. దీనితో సినిమాలో హీరోయిన్ గా చేస్తున్న తొలి ట్రాన్సజెండర్ గా గుర్తింపు తెచ్చుకుంది.. ఇటీవల ఈ సినిమా ట్రైలర్ ను లాంచ్ చేశారు.. ఆ ట్రైలర్ కు మంచి రెస్పాన్స్ వచ్చిందని చిత్ర యూనిట్ చెబుతున్నారు..
ట్రైలర్ లాంచ్ కూడా జరిగింది. ఈ కార్యక్రమానికి హాజరైన వైశాలి కొన్ని ఆసక్తికరమైన కామెంట్స్ చేసింది. ” మాకు ఒక జీవితం అనేది ఉంటుంది.. అసలు మేము ఎందుకు అడుక్కోవాలి. అందరి లాగానే మాకు సినిమాల్లో హీరోయిన్ గా నటించాలని కలలు ఉన్నాయి. దాని కోసం నేను ఎన్నో ప్రయత్నాలు చేశాను. అందుకు తగ్గట్లే మిస్టర్ అండ్ మిసెస్ మన్మధ సినిమాలో హీరోయిన్ గా చేసే అవకాశం వచ్చిందని చెప్పింది ఆమె.. ఇక బస్సు లో మా పక్కన కూర్చోవడానికి కూడా అనేక మంది ఆలోచిస్తారు. అలాంటి పరిస్థితులు మారాలి. ఇక నా విషయానికి వస్తే నేను గోవా లోని ఓ క్లబ్ లో డాన్సర్ గా పనిచేసే దానిని. అక్కడ చేస్తూ సినిమాల్లో అవకాశాలు కోసం ట్రై చేశాను. మిస్టర్ అండ్ మిసెస్ మన్మధ సినిమాలో అవకాశం రావడంతో ఉద్యోగం వదిలేసి ఇక్కడకు వచ్చాను.. ఈ సినిమా వచ్చే నెల 6న విడుదల కానుందని మా సినిమాను ఆదరించాలని కోరింది..