2026 T20 ప్రపంచ కప్ కు కౌంట్ డౌన్ ప్రారంభమైంది. T20 ప్రపంచ కప్ ఫిబ్రవరి 7న ప్రారంభం కానుంది. మొదటి రోజు మూడు మ్యాచ్ లు జరగనున్నాయి. ఈ మెగా ICC ఈవెంట్ ను భారత్, శ్రీలంక సంయుక్తంగా నిర్వహించనున్నాయి. భారత జట్టు ఫిబ్రవరి 7న అమెరికాతో తొలి మ్యాచ్ ప్రారంభిస్తుంది. పాకిస్తాన్ నెదర్లాండ్స్తో తలపడుతుంది. వెస్టిండీస్ స్కాట్లాండ్తో ప్రారంభిస్తుంది. ఈ నేపథ్యంలో టోర్నమెంట్ ప్రారంభానికి ముందు, T20 ప్రపంచ కప్ చరిత్రలో అత్యధిక వికెట్లు తీసిన టాప్ 5 బౌలర్లు ఎవరెవరు ఉన్నారో ఆ వివరాలు మీకోసం..
Also Read:T20 World Cup 2026: సూర్య, గంభీర్కు అదే పెద్ద తలనొప్పి.. రోహిత్ ఆసక్తికర వ్యాఖ్యలు!
T20 ప్రపంచ కప్లో అత్యధిక వికెట్లు తీసిన టాప్ 5 బౌలర్లు (ICC పురుషుల T20 ప్రపంచ కప్లో అత్యధిక వికెట్లు)
షకీబ్ అల్ హసన్ (బంగ్లాదేశ్)
ఈ జాబితాలో బంగ్లాదేశ్కు చెందిన షకీబ్ అల్ హసన్ 50 వికెట్లతో అగ్రస్థానంలో ఉన్నాడు. 2007 నుండి 2024 వరకు 43 T20 ప్రపంచ కప్ మ్యాచ్లు ఆడాడు, 4/9 అత్యుత్తమ బౌలింగ్ గణాంకాలతో.
షాహిద్ అఫ్రిది (పాకిస్తాన్)
పాకిస్తాన్ ఆటగాడు షాహిద్ అఫ్రిది 39 వికెట్లతో రెండవ స్థానంలో ఉన్నాడు. 2007-2016 వరకు టీ20 ప్రపంచ కప్లో 34 మ్యాచ్లు ఆడి, 4/11 అత్యుత్తమ ప్రదర్శనతో 39 వికెట్లు పడగొట్టాడు.
లసిత్ మలింగ (శ్రీలంక)
శ్రీలంక మాజీ ఫాస్ట్ బౌలర్ లసిత్ మలింగ 31 T20 ప్రపంచ కప్ మ్యాచ్ల్లో 38 వికెట్లు పడగొట్టాడు, అతని ఉత్తమ గణాంకాలు 5/31.
వానిందు హసరంగా (శ్రీలంక)
శ్రీలంకకు చెందిన వానిందు హసరంగా 19 T20 ప్రపంచ కప్ మ్యాచ్ల్లో 37 వికెట్లు తీసిన రికార్డును కలిగి ఉన్నాడు, 3/8 అత్యుత్తమ గణాంకాలతో.
Also Read:Union Budget 2026: కేంద్ర బడ్జెట్పై రియల్ ఎస్టేట్ భారీ ఆశలు.. ప్రస్తుతం పరిస్థితి ఎలా ఉంది?
రషీద్ ఖాన్ (ఆఫ్ఘనిస్తాన్)
ఆఫ్ఘనిస్తాన్కు చెందిన రషీద్ ఖాన్ ప్రస్తుతం 37 వికెట్లు పడగొట్టాడు. రషీద్ అత్యుత్తమ బౌలింగ్ గణాంకాలు 4/9.
