Suvarna Sundari : ఏడాది తర్వాత ఓటీటీలోకి వచ్చేస్తున్న ‘సువర్ణ సుందరి’ మూవీ.. స్ట్రీమింగ్ ఎక్కడంటే..?

సీనియర్ హీరోయిన్ జయప్రద, పూర్ణ మరియు సాక్షి చౌదరి ప్రధాన పాత్రలు పోషించిన ‘సువర్ణ సుందరి’ చిత్రం గతేడాది ఫిబ్రవరి 3వ తేదీన థియేటర్లలో విడుదల అయింది.సూపర్ నేచురల్ సోషియో ఫ్యాంటసీ మూవీగా ఈ చిత్రం ప్రేక్షకుల ముందుకు వచ్చింది. వివిధ కాలాల మధ్య ఈ మూవీ స్టోరీ సాగుతుంది. సువర్ణ సుందరి చిత్రానికి సురేంద్ర మాదారపు దర్శకత్వం వహించారు. థియేటర్లలో పెద్దగా వసూళ్లను రాబట్టలేకపోయిన ఈ చిత్రం ఇప్పుడు ఓటీటీలో స్ట్రీమింగ్‍కు వచ్చింది.థియేటర్లలో రిలీజైన ఏడాది తర్వాత సువర్ణ సుందరి చిత్రం ఓటీటీలోకి అడుగుపెట్టింది. ఈ సినిమా అమెజాన్ ప్రైమ్ వీడియో ఓటీటీ ప్లాట్‍ఫామ్‍లో నేడు స్ట్రీమింగ్‍కు వచ్చింది. తెలుగులో మాత్రమే ఈ చిత్రం స్ట్రీమ్ అవుతోంది.అయితే, సువర్ణ సుందరి మూవీ అమెజాన్ ప్రైమ్ ఓటీటీలో రెంటల్ పద్ధతిలో స్ట్రీమింగ్‍కు వచ్చింది. రూ.79 రెంట్‍తో అడుగుపెట్టింది. అయితే, త్వరలోనే ఈ మూవీ ప్రైమ్ వీడియో సబ్‍స్క్రైబర్లందరికీ ఉచితంగా స్ట్రీమింగ్‍కు వచ్చే ఛాన్స్ ఉంది. ఇప్పటికైతే ఆ ఓటీటీలో రెంటల్ పద్ధతిలో అందుబాటులోకి వచ్చింది.

సువర్ణ సుందరి చిత్రంలో సాయికుమార్, రామ్, ఇంద్ర, నాగినీడు మరియు కోట శ్రీనివాసరావు కీలకపాత్రలు పోషించారు. సురేంద్ర మాదారపు దర్శకత్వం వహించిన ఈ మూవీని ఎం.ఎల్.లక్ష్మి నిర్మించారు. సాయి కార్తీక్ సంగీతం అందించారు.త్రినేత్రి విగ్రహం చుట్టూనే సువర్ణ సుందరి కథ తిరుగుతుంది. కొన్ని తరాలుగా ఈ విగ్రహం వల్ల ఎలాంటి పరిణామాలు జరిగాయన్నది ఈ చిత్రంలో చూపిస్తారు. సస్పెన్స్ ఎలిమెంట్లతో పాటు ఈ చిత్రంలో వీఎఫ్‍ఎక్స్ కూడా ఎక్కువగానే ఉంటుంది.సువర్ణ సుందరి చిత్రంలో పూర్ణ రెండు పాత్రలు చేశారు. ఆమె నటన మెప్పించింది. అలాగే, అలనాటి హీరోయిన్ జయప్రద చాలా కాలం తర్వాత తెలుగు మూవీ చేశారు. దీంతో ఈ చిత్రానికి మంచి హైప్ వచ్చింది. అయితే మోస్తరు టాక్ తెచ్చుకున్న ఈ చిత్రం థియేటర్లలో పెద్దగా ఆకట్టుకోలేదు.