Kalki 2898 AD : బుజ్జికి వాయిస్ ఓవర్ అందించిన ఆ స్టార్ హీరోయిన్..?
Kalki 2898 AD : పాన్ ఇండియా స్టార్ ప్రభాస్ నటిస్తున్న లేటెస్ట్ మూవీ “కల్కి 2898 ఏడి”.ఈ సినిమాను స్టార్ డైరెక్టర్ నాగ్ అశ్విన్ తెరకెక్కిస్తున్నారు.మహానటి సినిమాతో బిగ్గెస్ట్ హిట్ అందుకున్న నాగ్ అశ్విన్ ఈ సినిమాను బిగ్గెస్ట్ పాన్ వరల్డ్ మూవీగా తెరకెక్కిస్తున్నారు.ఈ సినిమాలో బాలీవుడ్ స్టార్ అమితాబ్ బచ్చన్ ,విశ్వనటుడు కమల్ హాసన్ వంటి లెజెండరీ యాక్టర్స్ నటిస్తున్నారు.అలాగే బాలీవుడ్ స్టార్ హీరోయిన్స్ దీపికా పదుకోన్ ,దిశా పటాని హీరోయిన్స్ గా నటిస్తున్నారు.ఈ సినిమాను వైజయంతి మూవీ బ్యానర్ పై భారీ బడ్జెట్ తో తెరకెక్కిస్తున్నారు.ఈ సినిమాను జూన్ 27 న రిలీజ్ చేయనున్నట్లు మేకర్స్ ప్రకటించారు.
ఇటీవల ప్రభాస్ తన ఇంస్టాగ్రామ్ స్టోరీలో డార్లింగ్స్, ఫైనల్గా ఒక ముఖ్యమైన వ్యక్తి మన లైఫ్లోకి రాబోతున్నారు. వెయిట్ చేయండి అంటూ పోస్ట్ చేసిన సంగతి తెలిసిందే. ఆ ముఖ్యమైన వ్యక్తి ఎవరా అని ఫ్యాన్స్ అందరు ఎంతగానో ఎదురు చూసారు. తాజాగా ఈ చిత్రం నుంచి అదిరిపోయే అప్డేట్ను చిత్ర యూనిట్ విడుదల చేసింది.ఈ సినిమాలో ప్రభాస్తో పాటు ఓ మెషిన్ వుంటుందట . దాని పేరు బుజ్జి అని తెలుస్తుంది.ఆ బుజ్జిని నేడు సాయంత్రం 5 గంటలకు పరిచయం చేయనున్నట్లు మేకర్స్ తెలియజేశారు. అయితే ఈ సినిమాలో బుజ్జి ఎవరోకాదు ఓ కారు అని సమాచారం. అయితే సినిమాలో ఆ కారు మాట్లాడుతుంది . ఇక ఈ మాటలని మహానటి ‘కీర్తి సురేష్’ వాయిస్ తో వినిపించేందుకు మేకర్స్ ప్లాన్ చేసారు.బుజ్జికి కీర్తి వాయిస్ ఓవర్ అందించింది.నేడు సాయంత్రం ఈ బిగ్ అప్డేట్ ను మేకర్స్ వెల్లడించనున్నారు.