Tesla Struggles in India: భారత్లో టెస్లా ఆపసోపాలు.. 7 నెలల్లో కేవలం 342 కార్లే విక్రయం.. దుమ్మురేపుతున్న ఇతర EV కార్లు..!
- Follow Us :
-
-
Add as a preferred
source on google
Tesla Struggles in India: ప్రపంచ ఎలక్ట్రిక్ వాహన రంగంలో అగ్రగామిగా నిలిచిన Tesla సంస్థకు భారతదేశంలో మాత్రం ఆశించిన స్థాయిలో స్పందన లభించడం లేదు. భారీ అంచనాలతో భారత మార్కెట్లోకి అడుగుపెట్టిన ఈ కంపెనీ, గత 7 నెలల్లో కేవలం 342 కార్లను మాత్రమే విక్రయించడం ఆశ్చర్యానికి గురిచేస్తోంది. గత ఏడాది జులైలో టెస్లా భారతదేశంలోకి ప్రవేశిస్తూ తన తొలి కారు Tesla Model Yను విడుదల చేసింది. ముంబైలోని బాంద్రా కుర్లా కాంప్లెక్స్లో భారీ షోరూమ్ ప్రారంభించి, రూ.59.89 లక్షల ప్రారంభ ధరతో ఈ కారును మార్కెట్లోకి తీసుకొచ్చింది. సెప్టెంబర్ 25 నుంచి అధికారికంగా అమ్మకాలు ప్రారంభమైనప్పటికీ, ఇప్పటివరకు విక్రయాలు నిరాశాజనకంగానే ఉన్నాయి.
Read Also: Botsa Satyanarayana: గవర్నర్కు బొత్స లేఖ.. ఆర్ధిక వ్యవహారాలపై ప్రభుత్వం తప్పుడు సమాచారం..
Also Read
- Smart Phone Prices Hike: సెల్ఫోన్ లవర్స్కు బ్యాడ్న్యూస్.. ఈ రెండు కంపెనీల ఫోన్ల ధరలు భారీగా పెంపు..
- Sonia Gandhi Memoir: సోనియా గాంధీ ఆత్మకథలో తప్పులు.. దాచిన విషయాలే వివాదాలు!
- No Flying Zone: విజయవాడలో అమిత్ షా పర్యటన.. కీలక ప్రాంతాల్లో 'నో ఫ్లైయింగ్ జోన్' అమలు..
- Rajat Patidar: 48 బంతుల్లో 135 పరుగులు.. ఆర్సీబీ కెప్టెన్ వీరవిహారం..
ఫెడరేషన్ ఆఫ్ ఆటోమొబైల్ డీలర్స్ అసోసియేషన్స్ (FADA) గణాంకాల ప్రకారం, 2025-26 ఆర్థిక సంవత్సరంలో టెస్లా మొత్తం 342 కార్లను మాత్రమే విక్రయించింది. అంటే నెలకు సగటున కేవలం 40-45 కార్లే అమ్ముడయ్యాయి. ఇదే సమయంలో దేశవ్యాప్తంగా ఎలక్ట్రిక్ వాహనాల మార్కెట్ మాత్రం వేగంగా అభివృద్ధి చెందుతోంది. మొత్తం EV అమ్మకాలు 2.45 మిలియన్ యూనిట్లకు చేరుకోవడం, 24.6 శాతం వృద్ధి నమోదు కావడం గమనార్హం. ఇక, ఎలక్ట్రిక్ కార్ల విభాగాన్ని పరిశీలిస్తే, 2026 ఆర్థిక సంవత్సరంలో దాదాపు 2 లక్షల యూనిట్లు అమ్ముడయ్యాయి. అయితే ఈ భారీ మార్కెట్లో టెస్లా వాటా చాలా తక్కువగా ఉండటం కంపెనీకి ఆందోళన కలిగించే విషయం. భారతదేశంలో టెస్లా ఎదుర్కొంటున్న ప్రధాన సమస్య ధర. మోడల్ Y ధర రూ.60-70 లక్షల మధ్య ఉండటం, అధిక దిగుమతి సుంకాలు (70-100%) కారణంగా మరింత ఖరీదైనదిగా మారింది. ధరల పట్ల సున్నితంగా ఉండే భారత మార్కెట్లో ఈ కారు కేవలం కొద్దిమంది విలాసవంతమైన వినియోగదారులకు మాత్రమే పరిమితమవుతోంది.
అదనంగా, టెస్లా ప్రస్తుతం భారతదేశంలో స్థానిక ఉత్పత్తి చేయకపోవడం కూడా ఒక పెద్ద లోపంగా మారింది. చైనాలోని షాంఘై గిగా ఫ్యాక్టరీ నుంచి కార్లను దిగుమతి చేసుకోవడం వల్ల ఖర్చులు పెరుగుతున్నాయి. ఒకవేళ భారత్లోనే ఉత్పత్తి ప్రారంభిస్తే ధరలు గణనీయంగా తగ్గే అవకాశం ఉంది. మరోవైపు, మార్కెట్లో పోటీ తీవ్రంగా ఉంది. BYD, Hyundai, Tata Motors, Mahindra వంటి కంపెనీలు విభిన్న ధరలలో, విభిన్న ఫీచర్లతో అనేక ఎలక్ట్రిక్ వాహనాలను అందిస్తూ వినియోగదారులను ఆకర్షిస్తున్నాయి. ఇక టెస్లా వద్ద ప్రస్తుతం భారతదేశంలో కేవలం ఒకే మోడల్ ఉండటం కూడా మరో ప్రతికూల అంశం. వినియోగదారుల అవసరాలకు అనుగుణంగా విభిన్న ఎంపికలు లేకపోవడం వల్ల కంపెనీ విస్తరణకు ఆటంకం కలుగుతోంది.
అయితే, టెస్లా తన నెట్వర్క్ను విస్తరించే ప్రయత్నాలు కొనసాగిస్తోంది. ఢిల్లీ, ముంబై, బెంగళూరు, గురుగ్రామ్ వంటి నగరాల్లో తన ఉనికిని పెంచుతోంది. అలాగే ఛార్జింగ్ మౌలిక వసతులపై కూడా దృష్టి పెట్టి సూపర్ఛార్జర్ స్టేషన్లను ఏర్పాటు చేస్తోంది. మొత్తంగా చూస్తే, ప్రపంచ స్థాయిలో సక్సెస్ అయిన టెస్లా, భారతదేశంలో మాత్రం ధర, పోటీ, మౌలిక వసతుల వంటి సవాళ్లను ఎదుర్కొంటోంది. ఈ సవాళ్లను అధిగమించగలిగితేనే భారత మార్కెట్లో తన స్థానం బలపరచుకోగలదని విశ్లేషకులు భావిస్తున్నారు.
తాజావార్తలు
-
Bollywood : ఒకవైపు రణ్వీర్ సింగ్, మరోవైపు రణ్బీర్ కపూర్.. స్టార్ పవరా? సీక్వెల్స్ క్రేజా?
-
Smart Phone Prices Hike: సెల్ఫోన్ లవర్స్కు బ్యాడ్న్యూస్.. ఈ రెండు కంపెనీల ఫోన్ల ధరలు భారీగా పెంపు..
-
Sai Pallavi : జుట్టు కట్ చేస్తున్నానని తెలిసి మా అమ్మ ఫోన్ కట్ చేసింది.. పెద్ద దుమారమే రేపింది
-
Sonia Gandhi Memoir: సోనియా గాంధీ ఆత్మకథలో తప్పులు.. దాచిన విషయాలే వివాదాలు!
-
No Flying Zone: విజయవాడలో అమిత్ షా పర్యటన.. కీలక ప్రాంతాల్లో ‘నో ఫ్లైయింగ్ జోన్’ అమలు..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!