Telangana Voters: ఓటర్ల జాబితాను ప్రకటించిన ఎన్నికల కమిషన్..

Telangana Voters: పంచాయతీల ఎన్నికలకు షెడ్యూల్‌ రాకముందే అధికారులు ఏర్పాట్లను ముమ్మరం చేస్తున్నారు. ఈ నేపథ్యంలో తెలంగాణ రాష్ట్రంలో ఓటర్ల జాబితాను రాష్ట్ర ఎన్నికల ప్రధానాధికారి సుదర్శన్ రెడ్డి ప్రకటించారు. ఈ నివేదికలో తెలంగాణ రాష్ట్రంలో మొత్తం ఓటర్లు 3,35,27,925 ఉన్నట్లు అధికారులు తెలిపారు. ఇందులో పురుషు ఓటర్లు 1,66,41,489 మంది, మహిళా ఓటర్లు 1,68,67,735 మంది, థర్డ్ జండర్ ఓటర్లు 2,829 మంది ఉన్నట్లు తెలిపారు. అలాగే యువ ఓటర్లు (వయస్సు 18-19 సంవత్సరాలు) 5,45,026 మంది, సీనియర్ ఓటర్లు (వయస్సు 85, అంతకంటే ఎక్కువ) 2,22,091 మంది, ఓవర్సీస్ (NRI) ఓటర్లు 3,591 మంది, PWD ఓటర్లు 5,26,993 మంది ఉన్నట్లు అధికారులు తెలిపారు.

Also Read: KA.Paul: రేవంత్‌రెడ్డికి ఎంతో చేయాలని ఉన్నా ఢిల్లీ పెద్దలు అడ్డుపడుతున్నారు

ఇకపోతే, ఈ ఓటర్ల జాబితాను రాష్ట్ర ఎన్నికల అధికారులు పంచాయతీల ఎన్నికలను దృష్టిలో ఉంచుకొని విడుదల చేసినట్లుగా కనపడుతోంది. రాష్ట్ర ఎన్నికల అధికారులు ఇప్పుడు ఓటర్ల జాబితా విడుదల చేయడంతో రాష్ట్రంలోని పార్టీలలో మరోసారి ఎన్నికల హడావిడి కానుంది.