Telangana Drugs Alert: తెలంగాణ డ్రగ్స్ కంట్రోల్ అడ్మినిస్ట్రేషన్కు సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్ (CDSCO), ఈస్ట్ జోన్, కోల్కతా నుంచి భారీ హెచ్చరిక అందింది. ఆల్మంట్ కిడ్ సిరప్ వినియోగాన్ని నిలిపివేయాలని స్పష్టం చేసింది. ఈ సిరప్లో అత్యంత విషపూరితమైన పదార్థమైన ఇథిలీన్ గ్లైకాల్ (EG) కల్తీ చేయబడినట్టు తేలింది.
READ MORE: Trump-Iran: 217 మంది నిరసనకారుల మృతి.. ప్రతీకారం తీర్చుకుంటామని ఇరాన్కు ట్రంప్ వార్నింగ్
ఇథిలీన్ గ్లైకాల్ కల్తీ ఉన్నట్లు గుర్తించిన సిరప్ వివరాలు:
అల్మాంట్-కిడ్ సిరప్ (లెవోసెటిరిజైన్ డైహైడ్రోక్లోరైడ్, మోంటెలుకాస్ట్ సోడియం సిరప్)
బ్యాచ్ నెం. AL-24002
తయారీ తేదీ జనవరి-2025
గడువు తేదీ డిసెంబర్-2026
ఈ సిరప్ను ట్రైడస్ రెమెడీస్, ప్లాట్ నెం. డి-42, డి-43, ఫేజ్-II, ఇండస్ట్రియల్ ఏరియా, హాజీపూర్, వైశాలి-844102, బీహార్ తయారు చేసింది. ప్రజలు తమ వద్ద ఈ సిరప్ ఉన్నట్లయితే, దాని వాడకాన్ని తక్షణమే నిలిపివేయాలని, ఆలస్యం చేయకుండా సమీపంలోని డ్రగ్స్ కంట్రోల్ అథారిటీకి తెలియజేయాలని తెలంగాణ డ్రగ్స్ కంట్రోల్ అడ్మినిస్ట్రేషన్ సూచించింది. అలాగే, ఈ ఉత్పత్తి తమ వద్ద ఉన్నట్టు నేరుగా తెలంగాణ డ్రగ్స్ కంట్రోల్ అడ్మినిస్ట్రేషన్కు టోల్-ఫ్రీ నంబర్ 1800-599-6969 ద్వారా కూడా సమాచారం ఇవ్వవచ్చని తెలిపింది. ఈ నంబర్ అన్ని పని దినాలలో ఉదయం 10:30 నుంచి సాయంత్రం 5:00 గంటల వరకు పనిచేస్తుంది.
READ MORE: Hyderabad: ప్రాణం తీసిన వేగం.. రోడ్డు ప్రమాదంలో యువకుడు మృతి..
రాష్ట్రవ్యాప్తంగా ఉన్న డ్రగ్స్ ఇన్స్పెక్టర్లు, సహాయ సంచాలకులందరికీ, ఈ ఉత్పత్తి బ్యాచ్కు సంబంధించిన అందుబాటులో ఉన్న స్టాక్లను వెంటనే నిలిపివేయాలని ఆదేశాలు జారీ చేశారు. ఎట్టి పరిస్థితుల్లోనూ పపంపిణీ చేయకుండా లేదా విక్రయించకుండా రిటైలర్లు, వ్యాపారులు, పంపిణీదారులు, ఆసుపత్రులను అప్రమత్తం చేయాలని సూచించారు. ఈ మేరకు ఇప్పటికే తెలంగాణ డ్రగ్స్ కంట్రోల్ అడ్మినిస్ట్రేషన్ చర్యలు మొదలు పెట్టింది. ఈ సిరప్ వల్ల ఎవ్వరికీ ఎలాంటి హాని జరగకుండా చర్యలు తీసుకుంటున్నారు.ఇథిలీన్ గ్లైకాల్ విషపూరిత ప్రభావాల వల్ల కలిగే అనారోగ్యాలకు సంబంధించిన మందులు సిద్ధంగా ఉంచుకోవాలని ఆసుపత్రులకు సూచనలు చేశారు.