టాలీవుడ్ యంగ్ హీరో తేజా సజ్జా పేరుకు పెద్దగా పరిచయాలు అవసరం లేదు.. హనుమాన్ సినిమాతో పాన్ ఇండియా హీరో అయ్యాడు.. ఆ సినిమా తేజా కు భారీ విజయాన్ని అందించింది. ఇప్పటివరకు చేసిన సినిమాల రికార్డులను బ్రేక్ చేసి హైయెస్ట్ గ్రాసర్ గా నిలిచింది. ఈ సినిమా తర్వాత వరుస ఆఫర్స్ తేజాకు క్యూ కడుతున్నాయి.. ప్రస్తుతం రెండు ,మూడు సినిమాలను లైన్లో పెట్టాడు.. ఇప్పుడు మరో సినిమాకు గ్రీన్ సిగ్నల్ ఇచ్చాడు.
ఈ క్రమంలోనే మిరాయ్ అనే మరో సూపర్ హీరో కథకు ఓకే చెప్పాడు. జై హనుమాన్‌లోనూ తేజ సజ్జా కనిపిస్తాడని తెలుస్తోంది.ఇదిలా ఉండగా తేజ సజ్జా లైనప్ మీద ఇప్పుడు ఓ వార్త చక్కర్లు కొడుతోంది. మాస్ స్పెషలిస్ట్, డాషింగ్ డైరెక్టర్ పూరి జగన్నాథ్‌ తేజ సజ్జా కాంబోలో సినిమా వస్తుందనే రూమర్లు వస్తున్నాయి.. ప్రస్తుతం పూరి డబుల్ ఇస్మార్ట్ సినిమాను చేస్తున్నాడు.
ఈ సినిమా పై భారీ అంచనాలు ఏర్పడ్డాయి . త్వరలోనే ఈ సినిమా టీజర్ ను రిలీజ్ చేయబోతున్నట్లు మేకర్స్ అనౌన్స్ చేశారు. ఈ సినిమా ఓటిటి రైట్స్ భారీ ధరకు అమ్ముడు పోయినట్లు తెలిసిందే.. ఇక విడుదల తేదీని కూడా త్వరలోనే మేకర్స్ అనౌన్స్ చేయనున్నట్లు వార్తలు వినిపిస్తున్నాయి.. ఈ సినిమా తర్వాత తేజా సినిమాను సెట్స్ మీదకు తీసుకెళ్లనున్నట్లు వార్తలు వినిపిస్తున్నాయి. ఇందులో నిజమెంత ఉందో తెలియాలంటే కొద్ది రోజులు వెయిట్ చెయ్యాల్సిందే..