Keeda Cola : తరుణ్ భాస్కర్ “కీడా కోలా” ఓటీటీ రిలీజ్ డేట్ ఫిక్స్.. స్ట్రీమింగ్ ఎప్పుడంటే..?
యంగ్ డైరెక్టర్ తరుణ్ భాస్కర్ దర్శకత్వం వహించిన క్రైమ్ కామెడీ మూవీ ‘కీడాకోలా’.ఈ చిత్రం ఫుల్ క్రేజ్ మధ్య నవంబర్ 3న థియేటర్లలో రిలీజై ప్రేక్షకులను ఆకట్టుకుంది.అయితే, ఈ కీడాకోలా మూవీ ఎప్పుడెప్పుడు ఓటీటీలోకి వస్తుందా అని చాలా మంది ఎంతగానో ఎదురుచూస్తున్నారు. ఈ కామెడీ డ్రామాను ఓటీటీలో చూడాలని ప్రేక్షకులు వేచిచూస్తున్నారు. అయితే, ఇప్పుడు కీడా కోలా సినిమా ఓటీటీలోకి వచ్చేస్తోంది. ఈ సినిమా ఓటీటీ స్ట్రీమింగ్ గురించి అధికారిక ప్రకటన వచ్చేసింది.కీడాకోలా సినిమా డిసెంబర్ 29వ తేదీన ఆహా ఓటీటీ ప్లాట్ఫామ్లో స్ట్రీమింగ్కు రానుంది. ఈ విషయాన్ని ఆహా నేడు (డిసెంబర్ 19) అధికారంగా వెల్లడించింది. ఆహా గోల్డ్ సబ్స్క్రైబర్లకు మాత్రం ఒక రోజు ముందుగా అంటే.. డిసెంబర్ 28న ఈ మూవీ అందుబాటులోకి వస్తుంది.
ఇక సాధారణ సబ్స్క్రైబర్లు డిసెంబర్ 29 నుంచి ఈ మూవీని ఆహా ఓటీటీలో చూడొచ్చు. ఈ విషయాన్ని ఆహా స్వయంగా పేర్కొంది.”దరిద్రానికి దగ్గరగా.. పైసల్కి దూరంగా.. మజాక్లో బతుకుతున్న కొన్ని జీవితాలను సూడడానికి రెడీగా ఉండండి. పక్కా నవ్వుల దాడి కీడాకోలా.. డిసెంబర్ 29న ఆహాలో స్ట్రీమింగ్ కు రానుంది. గోల్డ్ సబ్స్క్రైబర్లకు 24 గంటల ముందే యాక్సెస్కు వస్తుంది” అని ఆహా ఫన్నీగా ఈ కీడాకోలా ఓటీటీ స్ట్రీమింగ్ డేట్ను ప్రకటిస్తూ ట్వీట్ చేసింది.ఓ కోలా కూల్డ్రింక్ బాటిల్లో బొద్దింక రావడం.. దాని ద్వారా కంపెనీ యజమానిని బెదిరించి డబ్బు గుంజాలని కొన్ని గ్రూపులు ప్రయత్నించడం చుట్టూ ఈ కీడాకోలా మూవీ తిరుగుతుంది. కామెడీ, క్రైమ్, కొన్ని ట్విస్టులు మరియు యాక్షన్ వంటి చాలా అంశాలతో ఈ మూవీని దర్శకుడు తరుణ్ భాస్కర్ తెరకెక్కించారు. ఈ నగరానికి ఏమైంది మూవీ తర్వాత డైరెక్షన్కు ఏకంగా ఐదేళ్ల విరామం తీసుకొని ఈ సినిమాను రూపొందించారు.కీడా కోలా సినిమాలో చైతన్యరావ్, రాగ్ మయూర్, బ్రహ్మానందం, తరుణ్ భాస్కర్, రఘురామ్, రవీంద్ర విజయ్, జీవన్ కుమార్ మరియు విష్ణు కీలకపాత్రలు పోషించారు.
Daridraniki deggara ga
Paisal ki dhooramga
Mazak la brathukuthunna konni jeevithalanu sudadaniki ready ga undandi…#KeedaaCola🪳,a pakka laugh riot Premieres Dec 29.🤩24 hours early access to aha Gold subscribers
@TharunBhasckerD @RanaDaggubati @VGSainma @VivekSudhanshuK… pic.twitter.com/fGHRGINS6B
— ahavideoin (@ahavideoIN) December 19, 2023