Talasani Srinivas Yadav : పొలిటికల్‌గా చూసుకోవాలి కానీ.. వ్యక్తిగతంగా వెళ్తున్నారు
- ఎవరు కంప్లైంట్ చేశారో తెలియదు
- అక్కడ పోలీసులు దాడులు చేశారు
- ఉండాల్సిన దాని కన్నా 4 బాటిల్ లు ఎక్కువగా ఉన్నాయి అని తెల్సింది
- దాన్ని పెద్ద రాద్ధాంతం చేస్తున్నారు :తలసాని
- Follow Us :
-
-
Add as a preferred
source on google
నిన్న రాజ్ పాకాల సొంత ఇల్లు కట్టుకొని గృహ ప్రవేశం చేసిన సందర్భం అని, 2, 3 రోజుల్లో ఒక రోజు వెజ్, మరో రోజు నాన్ వెజ్ లతో వంటలతో ప్రోగ్రాంలు చేస్తారని తలసాని శ్రీనివాస్ యాదవ్ అన్నారు. ఎవరు కంప్లైంట్ చేశారో తెలియదని, అక్కడ పోలీసులు దాడులు చేశారన్నారు. ఉండాల్సిన దాని కన్నా 4 బాటిల్ లు ఎక్కువగా ఉన్నాయి అని తెల్సిందని, దాన్ని పెద్ద రాద్ధాంతం చేస్తున్నారని ఆయన మండిపడ్డారు. అక్కడ జన్వాడ ఫామ్ హౌస్ లో దొరికితే గచ్చిబౌలి ఇంటి దగ్గర ఎందుకు హంగామా చేస్తున్నారని, కేటీఆర్ బామ్మర్ది కాబట్టి ఇంత ఎక్కువ చేస్తున్నారని ఆయన ధ్వజమెత్తారు. దసరా దీపావళి పండుగ లకు దవాత్ లు చేసుకోవడం కామన్ అని, ప్రపంచం బద్దలు అయి పోయింది అనే విధంగా చేస్తున్నారన్నారు తలసాని శ్రీనివాస్ యాదవ్. ఒక్కరికి డ్రగ్స్ తీసుకున్నట్లు గా పాజిటివ్ వచ్చింది అని చూసానని, దానిని అందరికి అంట కడితే ఎలా.. అని ఆయన ప్రశ్నించారు. సెర్చ్ వారెంట్ లేకుండా బలవంతంగా ఇండ్ల మీదకు ఎందుకు పోతున్నారని, దీని వెనుక బలమైన కుట్రకోణం కనిపిస్తుందన్నారు తలసాని శ్రీనివాస్ యాదవ్. పొలిటికల్ చూసుకోవాలి కాని.. వ్యక్తిగతంగా వెళ్తున్నారని ఆయన వ్యాఖ్యానించారు.
Samyuktha Menon: “బ్రెస్ట్ క్యాన్సర్‌ అవేర్‌నెస్‌లో భాగమవుదాం”..హీరోయిన్ సంయుక్త పిలుపు