తూర్పు ఆసియా దేశం తైవాన్ తీవ్ర భూకంపాలతో వణికిపోతుంది. సోమవారం నుంచి మంగళవారం తెల్లవారు జాము వరకు 24 గంటల వ్యవధిలో మొత్తం 80 భూకంపాలు సంభవించినట్లు పేర్కొన్నారు. తైవాన్ తూర్పు తీరంలో అత్యధికంగా రికార్ట్ స్కేలుపై తీవ్రత 6.3గా నమోదైంది. ఈ ప్రభావంతో దేశ రాజధాని తైపీలో పలు భవనాలు కంపించి దెబ్బ తిన్నాయని తైవాన్ వాతావరణ శాఖ తెలిపింది. దేశం తూర్పు ప్రాంతంలోని హువాలియన్లో ఎక్కువ భూకంపాలు సంబవించినట్లు గుర్తించారు. అయితే, ఎలాంటి ప్రాణనష్టం జరగలేదని చెప్పారు.
Read Also: Aparna Das Marriage: గ్రాండ్గా యంగ్ హీరోయిన్ హల్దీ వేడుక.. ఫొటోస్ వైరల్!
ఇక, అలాగే, ఏప్రిల్ 3వ తేదీన కూడా తైవాన్లో 7.2 తీవ్రతతో భూకంపం సంభవించింది. ఈ ప్రమాదంలో 14 మంది చనిపోయారు. అప్పటి నుంచి తైవాన్ లో వరుస భూప్రకంపనలు వస్తున్నాయి. ఏప్రిల్ 3వ తేదీన ఏర్పడిన భూకంపంతో హువాలియన్లో కొద్దిగా వంగిన ఓ హోటల్ తాజా భూకంపం ప్రభావంతో పూర్తిగా ధ్వంసమైంది.. అది వినియోగించడానికి రాదని అగ్నిమాపక విభాగం మంగళవారం తెల్లవారుజామున తెలియజేసింది. భూకంపాలకు అధిక అవకాశం ఉండే రెండు ‘టెక్టోనిక్ ప్లేట్స్’ జంక్షన్కు సమీపంలో తైవాన్ ఉంది. అందుకే, ఆ దేశంలో ఎక్కువగా భూకంపాలు వస్తుంటాయి.
