Hit 3 : హిట్3 సినిమాలోని మృదుల పాత్రలో కేజీఎఫ్ భామ

Hit 3 : ఇటీవల “సరిపోదా శనివారం”తో బ్లాక్‌బస్టర్ హిట్ నేచురల్ స్టార్ నాని ప్రస్తుతం “HIT: ది థర్డ్ కేస్” చిత్రం షూటింగ్‌లో నిమగ్నమయ్యారు. ఈ సినిమాలో కేజీఎఫ్‌ ఫేమ్‌ శ్రీనిధి శెట్టిని కథానాయికగా పరిచయం చేస్తున్నారు. ఈ సినిమా ప్రస్తుతం విశాఖపట్నంలో చిత్రీకరణ జరుపుకుంటోంది. అయితే, చిత్రానికి సంబంధించిన హీరోయిన్‌ వివరాలను ఆలస్యంగా వెల్లడించాలని మేకర్స్‌ నిర్ణయించుకున్నారు. కానీ ఇటీవల లీకైన వీడియో ఈ ప్రకటన కారణంగా త్వరగా చేయాల్సి వచ్చింది. ఆ తర్వాత, HIT 3 షూట్‌కు సంబంధించిన మరిన్ని వీడియోలు ఆన్‌లైన్‌లో లీకయ్యాయి, ఇది నాని, అతని అభిమానులకు నిరాశ కలిగించింది. నిర్మాతలు లీక్స్‌పై కఠినమైన చర్యలు తీసుకోవాలని ఫ్యాన్స్ కోరుతున్నారు. ఈ చిత్రం శైలేష్ కొలనుకు దర్శకత్వంలో తెరకెక్కుతుంది. వాల్ పోస్టర్ సినిమా, యునానిమస్ ప్రొడక్షన్స్ సంయుక్తంగా నిర్మిస్తున్నారు. మ్యూజిక్ మిక్కీ జె. మేయర్ అందిస్తున్నారు. ఈ సినిమాను 2025 మే 1న ప్రేక్షకుల ముందుకు తీసుకురావాలని మేకర్స్‌ ప్లాన్‌ చేస్తున్నారు.

Read Also:BRICS Summit 2024: నేటి నుంచి రష్యాలో బ్రిక్స్‌ సమ్మిట్.. ప్రధాని మోడీతో పుతిన్ కీలక భేటీ

ఇది ఇలా ఉంటే… ఫస్ట్ రెండు పార్టులు లాగానే ఈ సినిమాను కూడా దర్శకుడు శైలేష్ కొలను పూర్తి క్రైమ్ థ్రిల్లర్‌గా రూపొందిస్తున్నారు. ఇక ఈ సినిమా నుండి ఇప్పటికే రిలీజ్ అయిన పోస్టర్స్, వీడియో గ్లింప్స్‌కి ప్రేక్షకుల నుంచి మంచి స్పందన వచ్చింది. ఈ సినిమాలో హీరోయిన్ గా నటిస్తున్న కేజీఎఫ్ ఫేం.. కన్నడ బ్యూటీ శ్రీనిధి శెట్టి పుట్టినరోజు కావడంతో ఆదివారం ‘హిట్-3’ చిత్ర యూనిట్ బర్త్ డే విషెస్ తెలిపారు. ఈ సందర్భంగా శ్రీనిధి శెట్టికి సంబంధించిన ఓ కొత్త పోస్టర్‌ను రివీల్ చేశారు. అంతేగాక, ఈ సినిమాలో ఆమె పాత్ర పేరును కూడా వారు రివీల్ చేశారు. ‘హిట్-3’ చిత్రంలో మృదుల అనే పాత్రలో శ్రీనిధి శెట్టి నటిస్తోంది. నాని అర్జున్ సర్కార్ అనే పాత్రలో నటిస్తున్నట్లు మేకర్స్ ప్రకటించారు.

Read Also:Asia Cup 2024: వరుసగా రెండో విజయం.. సెమీఫైనల్లో భారత్‌!