Sreeleela : అసలైన విజయం ఇప్పుడే దక్కింది.. కోలీవుడ్ ఎంట్రీపై శ్రీలీల ఆసక్తికర వ్యాఖ్యలు

తెలుగు వెండితెరపై అతి తక్కువ కాలంలోనే స్టార్ హీరోయిన్‌గా ఎదిగిన అచ్చతెలుగు అమ్మాయి శ్రీలీల. కెరీర్ స్టాటింగ్ లోనే అగ్ర హీరోల సరసన అవకాశాలు అందుకుంటూ, తన ఎనర్జిటిక్ డ్యాన్సులతో కుర్రకారును ఉర్రూతలూగించింది ఈ ముద్దుగుమ్మ. ఇప్పుడు తన కెరీర్‌లో ఒక కీలక మైలురాయిని చేరుకుంది. ఇప్పటి వరకు శ్రీలీల అంటే కేవలం గ్లామర్, డ్యాన్స్‌లకే పరిమితం అనే ముద్ర ఉండేది. కానీ, తాజాగా విడుదలైన ఆమె తమిళ చిత్రం ‘పరాశక్తి’ ఆ అభిప్రాయాన్ని పూర్తిగా మార్చేసింది. ఈ సినిమాతో కేవలం కమర్షియల్ హీరోయిన్‌గానే కాకుండా, నటనకు ఆస్కారమున్న పాత్రల్లోనూ తను రాణించగలనని నిరూపించుకుంది. అయితే

Also Read : Sudha Kongara : ఫేక్ ఐడీలు, నెగటివ్ రివ్యూలు.. విజయ్ ఫ్యాన్స్‌పై సుధా కొంగర ఫైర్!

తాజాగా జరిగిన ఒక వేడుకలో శ్రీలీల మాట్లాడుతూ.. ఈ గుర్తింపు పట్ల ఎంతో భావోద్వేగానికి గురైంది.. ‘ఎప్పుడూ నా పాటలు, డ్యాన్సుల గురించే మాట్లాడేవారు.. కానీ మొదటిసారి నా నటన గురించి గొప్పగా మాట్లాడుతుంటే చాలా ఆనందంగా ఉంది. పరిశ్రమ నుంచి వస్తున్న ఈ ప్రశంసలే నాకు దక్కిన అసలైన విజయం’ అని చెప్పుకొచ్చింది. తమిళంలో విజయవంతంగా అడుగుపెట్టిన శ్రీలీల, త్వరలోనే హిందీ చిత్ర పరిశ్రమలోకి కూడా ఎంట్రీ ఇచ్చేందుకు సిద్ధమవుతోంది. నటిగా తనను తాను నిరూపించుకున్న ఈ సమయంలో, మరిన్ని పవర్ ఫుల్ పాత్రలు ఆమెను వరిస్తాయని అభిమానులు ఆశిస్తున్నారు.