ప్రముఖ గాయని శ్రేయ ఘోషల్ తన పాటల ఎంపికలో సరికొత్త నిబంధనలను విధించుకున్నారు. 2012లో విడుదలైన ‘అగ్నిపథ్’ సినిమాలోని ‘చిక్ని చమేలి’ పాట ఎంతటి సంచలనం సృష్టించిందో అందరికీ తెలిసిందే. అయితే, ఆ పాట పాడే సమయంలో తనకు సాహిత్యం (Lyrics) లోని లోతైన అర్థాలను గ్రహించే పరిణతి లేదని ఆమె తాజాగా వెల్లడించారు. ఆ పాటలోని కొన్ని పదాలు,వాటి అర్థంపై సోషల్ మీడియాలో జరిగిన ట్రోలింగ్ తనను ఆలోచింపజేసిందని ఆమె పేర్కొన్నారు.
Also Read : Spirit : ప్రభాస్- సందీప్ వంగా ‘స్పిరిట్’ షూటింగ్ అప్డేట్..
శ్రేయ మాట్లాడుతూ.. ‘ఆ పాటలో అద్భుతమైన ట్యూన్, కళాత్మకత ఉన్నాయి. అది పెద్ద హిట్ కావడాన్ని నేను గౌరవిస్తాను. కానీ, చిన్న పిల్లలు ఆ పాటలోని అర్థం తెలియకుండా పాడుతుంటే నాకు ఇబ్బందిగా అనిపించేది. కొన్నిసార్లు నా దగ్గరకు వచ్చి ఆ పాట పాడమని అడిగితే చెప్పలేని అసౌకర్యానికి గురయ్యేదాన్ని. అందుకే అప్పటి నుండి పాటలను ఎంచుకునేటప్పుడు సాహిత్యంపై ప్రత్యేక శ్రద్ధ పెడుతున్నాను. ఆ తర్వాత అలాంటి ఎన్నో ఐటెం సాంగ్స్ ఆఫర్లు వచ్చినా నేను సున్నితంగా తిరస్కరించాను’ అని శ్రేయ ఘోషల్ స్పష్టం చేశారు. పాట ఎంత పెద్ద హిట్ అయినా, అది సమాజంపై.. ముఖ్యంగా పిల్లలపై చూపే ప్రభావాన్ని దృష్టిలో పెట్టుకుని శ్రేయ తీసుకున్న ఈ నిర్ణయంపై నెటిజన్లు ప్రశంసలు కురిపిస్తున్నారు. ఒక సింగర్గా కేవలం ట్యూన్కే కాకుండా, పదాలకు కూడా విలువ ఇవ్వాలనే ఆమె ఆలోచన ఇప్పుడు ఇండస్ట్రీలో హాట్ టాపిక్గా మారింది.
